Д-р Миланко: Како им објаснив на луѓето во кафeана зошто сите треба да носиме маска

фото: RTS Youtube printscreen

Ако некој може да ги убеди антимаскерите и антиковидашите по девет месеци од пандемијата, зошто е важно да се носат маски, тоа е доктор по ветеринарни науки Миланко Шеклер од Србија, кој се обиде на пластичен начин преку метафори во сообраќајот, куќи и кафеани да ја објасни улогата на заштитата на лицето.

Шеклер неодамна објави авторски текст во кој, како што тврди, се обидел да одговори на сите прашања на неговите роднини, пријатели и познаници, но и на луѓето што не ги познава, а ги сретнал на улица, во продавница, ресторан, кафуле, фризер.

- Значи, сфатив дека огромното мнозинство од нив сè уште е многу слабо запознаено со некои важни факти што би им биле од голема корист при секојдневното спроведување на мерките за самозаштита и заштита - напиша Шеклер.

Како што вели, тој е сигурен дека просечен жител не е ниту „недисциплиниран, ниту тврдоглав, ниту заостанат ниту глупав“.

- Полесно ќе ми беше да најдам луѓе со такви квалитети кај некои многу високи и одговорни функционери, како и кај многу јавни личности! Напротив, просечен жител сака сè целосно и суштински „да разбере, да знае, да научи“ за да знае што прави за што и која е целта - потенцира научникот кој доби докторат по макробиологија и тоа на вирусот на птичји грип.

Се чини дека на просечниот човек му е најмалку јасно зошто мора да носи маска. Затоа Шеклер се обиде на телевизија на наједноставен начин да објасни зошто е важно сите да носат маска, пишува Блиц.

- Половина ден пред да ги добиете првите симптоми, веќе лачите, условно кажано, милиони вируси, 30-40-50 честички во минута, и како и во сообраќајот, секој мора да ги почитува прописите. Ако сте заразени, а јас не сум, маската ме штити со дваесетина проценти, а она што не може не треба да го бараме од маската - објасни Шеклер во „Впечаток на неделата“.

Маската не' штити дури и кога вирусот ќе успее да навлезе низ неа во телото.

Маската не може да спречи целосно влегување на вирусот во организмот, но тоа не значи дека не треба да ја носиме, е пораката на овој научник.

- Вирусот е 125 нанометри, ќе помине низ неа без никакви проблеми, но маската ќе ве заштити 20 проценти. Ако ја носите вие како заразени, а јас не ја носам како здрава личност, тогаш вашата маска веќе ме штити 80 проценти, а ако носиме и двајцата, тогаш сме заштитени скоро 99 проценти. И што не е јасно тука? Маската не' штити 100 проценти - истакнува Шеклер.

Второ, важно е како се носи маската.

- Дали ја носите правилно, дали ја менувате, колку долго ја носите, правилно ли ја ставате, дали ја ставате во џеб и ја враќате на вас потоа свртена наопаку. Овие се работи што не се во ред и што луѓето не ги научиле дури и по седум месеци. Идеално е да ставите маска, да не заплеткувате ништо околу неа и да ја вадите кога ќе ги завршите сите активности што се ризични - подвлекува научникот.

Тој вели, непотребно е да се носи маска надвор, освен во гужви или при блиски разговори, бе дистанца.

- Но, ако влеземе во затворен простор, особено ако е преполн, и не е проветрен, каде што луѓето зборуваат, дури и маската не може да помогне. Но, ако веќе не можете да го заобиколите тоа место, тогаш би било идеално да носите маска - истакнува Шеклер.

Меѓутоа, ако маската не може да помогне во спречување на влегување на вирусот во телото, таа може да ја „утврди“ количината на заразната доза и на тој начин да влијае на подоцнежната клиничка слика на заразеното лице.

- Инфективната доза е точно определена количина на коронавирус (изразена во приближниот број на честички на коронавирусот) што е потребна за да влезе во нечие тело со цел таа личност да се зарази и да се разболи.

Во теорија, една честичка на коронавирус е доволна за да се зарази здрава личност. Но, за среќа, во пракса тоа никогаш не е случај - објаснува Шеклер.

Како што вели, потребна е значително поголема количина на вирус отколку споменатата една честичка на коронавирус.

Најновите истражувачки податоци укажуваат на тоа дека количината на коронавирус што е потребна за влегување во грлото, носот, синусите, фаринксот, белите дробови за да може лицето да се зарази или да се разболи, е помеѓу 500 и 1.000 честички на коронавирусот! За да го објасни тоа на наједноставен начин, научникот користел метафора со ракија.

- За да се опиете со пиење алкохол, не е доволно да пиете само една мала голтка алкохол, туку треба да пиете одредена количина алкохол, или барем една или барем неколку чаши ракија! Значи, за да се случи тоа, потребна ви е одредена, многу поголема количина алкохол. Значи, тоа е многу слично со инфективната доза на коронавирус - појаснува Шеклер.

Само една честичка коронавирус не е доволна за да се заразиме, подвлекува научникот.

- Треба да внесете најмалку 500 честички коронавируси (најмалку 500 и до 1.000 честички коронавируси) во период од неколку часа, со цел коронавирусот да навлезе во вашиот одбранбен систем и успешно да се размножи во опишаните огромни количини и предизвици инфекција и клинички манифестирана болест! - објаснува докторот по макробиологија.

Илјадници луѓе имаат мала доза на Ковид 19.

Исто така, одговара на прашањето што се случува ако вдишеме коровавирусни честички што ги издишал некој заразен, без вкупната количина на коронавирус што ја вдишуваме да надмине, на пример, 30 или 50 вирусни честички и многу помалку од 500 потребни за да се разболиме?

- Постои огромна веројатност дека воопшто нема да се разболите затоа што вашите многубројни бели крвни клетки (од кои има десетици илјади за само еден милионити дел од литар крв!) ќе успеат да ги поразат и искинат сите тие 50 „разбојнички“ честички на коронавирус, а вие дури и нема да знаете за таа битка во вашето тело! И тоа најверојатно се случува со илјадници и илјадници луѓе во овој момент! - нагласува Шеклер.

Научникот повторува дека едно лице лачи најголемо количество вирус Ковид 19 половина ден пред да ги добие првите симптоми на кашлање, кивање…

- Дури и тогаш условно излачувате „милиони“ честички. Додека дишете од 30 до 50 честички во минута, ако зборувате од 200 до 500, ако кашлате до 100 000, ако кивате до милион. Можно е да се разболам од вас дури и ако не кашлате или кивате бидејќи сè уште го лачите вирусот. Ако не носиш маска, тогаш не ме штитиш, а јас што носам маска те штитам. Ова е како во сообраќај. Секој мора да ги почитува прописите. Ако некој вози во спротивна насока и не ги почитува прописите, опасно е и за тој што ги почитува - предупредува Шеклер.

Научникот истакнува дека тој ја тестира својата интелигенција скоро секој ден во продавници, ресторани, кафулиња со цел да ги убеди луѓето да носат маска.

- Објавен е еден труд во кој се следи населението во затворите, на крстаречки бродови и во месната индустрија. Таму се носат маски за да се заштити храната, па затоа се носат маски за да се спречи исфрлање на бактериите. Во затвор, каде има јасни наредби за носење маски, затоа што ако не ги носите, добивате палка или самица, на крстаречки брод, каде има офицери на тој брод и има јасни наредби дека ако излезете, мора да носите макси - вели Шеклер .

Како што вели тој, кај тие популации, многу поголем процент на оние кои се заразиле биле асимптоматски или со многу лесна клиничка слика, а имало многу малку со тешка клиничка слика.

- Објаснувањето е многу едноставно, тоа е ефектот на маската, бидејќи таму ништо друго не се разликува освен што има строги мерки за контрола и е лесно да се контролира дали некој носи маска или не. И кога ги тестираат тие луѓе, серолошките тестови покажуваат дека имаат антитела, сите реагираат серолошки и немаат никакви симптоми - подвлекува Шеклер.

- Тоа е толку едноставен пример што јасно ѝ укажува на секоја просечна интелигентна личност дека е корисен - истакнува Шеклер.