Дали навистина се менува бојата на очите кај бебињата?

Бебињата од бела раса најчесто се раѓаат со сини или сиви очи, а останатите речиси секогаш имаат темни очи.

Бојата на очите е наследна и зависи од родителите, но и од бабите и дедовците. 

Важен фактор за бојата е меланинот – пигмент кој ја определува и бојата на кожата, на косата, и кој реагира на сончевата светлина. Тоа влијае на потемнувањето на кожата, а можеби и на промена на бојата на очите на бебето, посочуваат новите истражувања.

Луѓето кои имаат помало количество од овој пигмент во себе, имаат сини или сиви очи, а оние кои го имаат во малку поголемо количество – зелени, кафени и црни очи.

Без разлика на генетиката, по раѓањето бебето произведува малку меланин, па затоа повеќето имаат сини или сиви очи. Како што бебето е поизложено на светлина, расте и лачи меланин, бојата на очите се менува.

Тоа обично се случува до шест месечна возраст, но може да трае и до третата година и подоцна, но со помал интензитет и секогаш промената е – од посветло кон потемно. Односно, кафените и костенливи очи не може повторно да станат сини.