ДАЛИ ТРЕТАТА ДОЗА ДАВА ВИСТИНСКА ЗАШТИТА И ДАЛИ МОРА ДА СЕ НУДИ СЕГА - земјите брзаат, научниците не се сигурни

Стравот од делта сојот дведе некои земји да ја зајакнат имунизацијата на луѓето кои веќе биле вакцинирани двапати против коронавирусот.

Но, со ограничени научни докази за поддршка на потребата и ефективноста на „засилувачите“ - ова се покажа како многу поларизирачка тема, во време кога поголемиот дел од светот нема доволно вакцини.

„Планираме да ги дистрибуираме вишокот појаси за спасување на луѓе кои веќе имаат појас, додека оставаме другите да се удават“, рече епидемиологот на Светската здравствена организација Мајк Рајан, споредувајќи ја пандемијата Ковид 19 со брод што тоне.

Оваа глобална здравствена агенција има морална поента и ги повикува владите да престанат да даваат засилувачи додека поголемиот дел од светското население не биде заштитено со вакцини.

Но, што велат научните докази?