Дали знаете што е ендометриоза? Овие симптоми не смеете да ги игнорирате
Многу жени се соочуваат со разни состојби за време на нивниот
репродуктивен период, кои се однесуваат на репродуктивните органи, хормоналниот
статус и имаат влијание врз самата плодност. Некои од нив се безопасни и лесни
за решавање, а на некои им треба поголемо внимание.
Она што е важно е дека секогаш треба да реагирате, затоа не игнорирајте никаков вид на симптоми и консултирајте се со гинеколог. Ендометриоза - што значи оваа состојба, како влијае на плодноста и како да се препознае.
Болни циклуси, силни грчеви во менструацијата, како и силна болка во долниот дел на грбот може да бидат придружни симптоми на менструацијата. Сепак, особено ако се многу интензивни, тие исто така можат да бидат симптом на одредени состојби, како што е ендометриозата. Патем, ова е состојба што ја доживуваат дури 1 од 10 жени кои се во репродуктивна возраст, што секако не е занемарлива статистика.
Што е ендометриоза? При ендометриоза, ткивото на матката излегува од него, и се наоѓа таму каде што природно не припаѓа, влијае на појавата на болка помеѓу циклусите, и често се опишува како болка во матката, односно како болка во карлицата и долниот дел на стомакот.
Ткивото што излегува од матката може да се најде во близина на јајниците, во фалопиевата цевка, па дури и да стигне до цревата и мочниот меур, што предизвикува дополнителна болка, но и можни компликации.
Еве кои 5 основни симптоми на ендометриоза не треба да ги игнорирате:
1. Многу силна менструална болка која е постојана од месец во месец
2. Карлична болка што се јавува помеѓу циклусите
3. Болка за време на сексуален однос
4. Болката во карлицата е комбинирана со болка во долниот дел на грбот
5. Проблеми со варењето на храната
Она што исто така треба да го знаете е дека ендометриозата не ја исклучува можноста за зачнување, но може да ја направи значително потешка. Таа често е генетски предиспонирана, а по дијагнозата се пропишува соодветна терапија. Во исто време, понекогаш се презема хируршка интервенција, што е претежно рутина, според проценката на лекарот.
Во секој случај, ако ги препознаете повеќето од овие симптоми, нашиот совет е дефинитивно да одите на лекар.
Извор: beograd.in
Можеби ќе ве интересира:
6 причини поради кои ви доцни менструацијата: А не е бременост
