Дами, денес е ваш празник: Славиме голема светителка и ден кога на жените им се остваруваат желбите
Црквата и верниците денеска се сеќаваат на преподобната Ксенија, светица која го основала еден од првите женски манастири во светот, им пркоси на тогашните норми на однесување и остатокот од својот живот го посветила на молитвата и љубовта кон Исус. Животот.
Родена е во Рим како ќерка-единица на прочуен сенатор. Привлечена од љубовта Христова не сакаше да стапи во брак како што сакаа нејзините родители, па за да ја избегне мажачката побегна од дома тајно, заедно со своите две робинки, па отиде на островот Коа во местото Милас. Овде основа обител на девици што се подвизуваа во христоуподобувањето. Иако беше жена, имаше машка издржливост во постот, молитвата и бдеењето. Често стоеше на молитва по цела ноќ. Беше облечена посиромашно од сите сестри, а врз лебот што го јадеше често истураше пепел од кадилницата. Во мигот на смртта (455 г.) над манастирот се појави прекрасен знак: венец од ѕвезди со крст во средината, посјаен од сонце. Од нејзините мошти мнозина болни добија исцеление. Нејзините робинки го следеа примерот на својата игуманија и кога умреа беа погребани, според нивната желба, крај нозете на блажената Ксенија.
Со оглед на тоа што е голема светица која цел живот се борела за правото на жените сами да одлучуваат што да прават со својот живот, Ксенија сè уште важи за покровителка на понежниот пол. Затоа дамите денес треба да се воздржуваат од каква било работа, особено онаа поврзана со куќата.
Наместо тоа, во чест на оваа светителка треба да го поминат денот во природа и да се одморат, како и да застанат покрај црквата и да запалат свеќа и да ја кажат оваа молитва:
„Во тебе, мајко, сигурно е спасена божественоста, зашто со примањето на Крстот си го следела Господ Христос. Со своите постапки научи да го презираш телото, сакајќи повеќе за душата бесмртни нешта, затоа и кај Ангелите, света Ксенија, твојот дух се радува“.
Се верува дека желбите што ги замислуваат додека се молат на Света Кеснија сигурно ќе се исполнат.
