Децата најпогодени: Ковид-19 со нов здравствен проблем - карантинска кратковидост

Карантинот донесе уште еден проблем, најизразен кај децата - миопија

Истражувањата во Холандија и Кина покажаа дека за време на пандемијата на коронавирус, голем број луѓе, особено деца, го влошиле видот на далечина, а овој феномен се нарекува „карантинска миопија“.

Домашна изолација, карантин, ограничување на контактите, работата од дома и онлајн настава, кои ја одбележаа претходната година, влијаеја на нас да гледаме во екраните, таблетите и мобилните телефони уште почесто од вообичаеното за време на ерата на короната.

Според научниците, ова доведе до зголемување на бројот на кратковиди луѓе, а овој проблем, што е особено загрижувачки, е особено изразен кај децата.

Премногу гледање на екранот

Во Кина, беше спроведено истражување на примерок од 120.000 деца на возраст од шест до 13 години.

Имало драстично зголемување на дијагностицираните случаи на миопија, а кај деца на возраст меѓу шест и осум години имало дури три пати повеќе случаи отколку претходната година. Во таа возрасна група, како што е наведено, видот се влошува просечно за - 0,3 диоптрија.

Прекумерната употреба на електронски уреди, според научниците, не предизвикува само миопија - последиците можат да бидат заматен вид и кривогледство, а употребата на мобилен телефон навечер може да предизвика и несоница.

„Големиот процент на сино светло на екраните спречува лачење на хормонот мелатонин, што го прави лицето дремливо“, вели професорката Никол Етер, директор на клиниката за очи на Универзитетската поликлиника во Мунстер, која советува да се избегнуваат овие уреди најмалку два часа пред спиење.

Д-р Радмила Милошевиќ, детски офталмолог, исто така вели дека бројот на стари лица и деца кои имаат проблеми со миопија расте од година во година и дека затворањето дома за време на епидемијата на коронавирус секако влијаело тој број да се зголеми.

Препораки за деца

- Деца до три години - не треба да гледаат мобилни телефони и таблети

- Деца од четири до шест години - употребата на овие уреди треба да биде ограничена на најмногу -30 минути на ден

- Деца од седум до девет години - можат да ги користат уредите најмногу еден час на ден

- Деца на возраст од десет години - ограничете ја употребата на телефони, таблети и други уреди до два часа на ден

Непоправлива состојба

- Помладите генерации се повеќе ја нагласуваат работата „одблизу“, што доведува до зголемување на миопијата. Тие поминуваат многу повеќе време пред екранот, кој е близу до нив. Така учат и играат. Последица на тоа е дека мускулите на нивното око задолжени за сместување се постојано напнати, а тој постојан напор предизвикува кратковидост - објаснува д-р Милошевиќ и додава дека оваа состојба е непоправлива,а дека проблемот со видот се решава со очила.

- Секој, не само децата, треба да паузира за време на работата, ако долго гледаат на екранот. По половина час работа одблизу, тие треба, да погледнат во далечината најмалку 10-15 минути. Треба да поминувате повеќе време надвор, бидејќи сонцето и природата влијаат поволно на спречување на развој на миопија - вели д-р Милошевиќ и додава дека последиците од изолацијата кај децата ќе ги видиме само во наредниот период, а овој проблем ќе биде поизразен повеќе поради онлајн наставата.

Симптоми на миопија

-Заматен вид на далечина

-Кривогледство

-Замор на очите

-Замор во очите додека гледате во далечината

-Кратковидите деца често имаат проблеми со читање од таблата

--Заматен вид кога се фокусирате на далечни предмети

-Главоболки поради прекумерно оптеретување на очите

-Тешкотии во возењето, особено ноќе (ноќна миопија)

Фото насловна: Profimedia

Можеби ќе ве интересира: