Двегодишно дете само мие садови, вклучува машина за перење, готви и чисти: Мајката ги сподели методите на воспитување
Додека едни ѝ „симнуваат капа“ на мама Флоренс, други ја осудуваат за лошо родителство, но таа е среќна бидејќи нејзиниот син е независен на две години.
Ова двегодишно дете има повеќе животни вештини отколку многу студенти. Со мала помош, Џекс Тејлор може да подготви чај, да користи машина за перење, да се среди и да подготвува јадења. Неговите родители му дозволуваат да ги извршува работите самостојно и да учи од сопствените искушенија и грешки.
Гордата мајка Флоренс го научи својот син да биде целосно независен користејќи го методот Монтесори.
Овој „контроверзен“ метод на едукација им дава на децата можност да научат и да го истражуваат светот самостојно. Додека некои родители сметаат дека ова е проблем, мајката на Џекс смета дека нејзиниот син е сам себеси доволен.
Родителите го охрабруваат детето да учи самостојно.
За кратки две години од својот живот, Џекс научил да готви, да пере облека, да средува.
Флоренс, од Западен Сасекс, вели: „Ми се допадна идејата мојот син да биде независен, мотивиран и да се развива на свој начин“.
„Да, треба да се биде тука како родител и да се насочува детето, но и да му се дозволи да се развива самостојно“, рече Флоренс.
„Во образованието нема пофалби или казни, има само упатства и природни последици. Исто така, се става голем акцент на она што го нарекуваме „практична животна работа“, а тоа се секојдневни активности, како што се перење облека и самостојна работа. Му дозволувам на мојот син да ми се придружи во готвењето, перењето и што било друго што го интересира. Тој е многу независен, бидејќи сè му е дозволено. Без да мора постојано да зборуваме, „оди играј, сепак си премногу млад за тоа итн.“, нашиот син научи вештини што ги немаат некои возрасни луѓе што сум ги запознала“, рече Флоренс.
Дваесет и петгодишната мајка Флоренс додаде: „Мојот син може и знае да пере облека“.
„Тој знае како да избере програма за перење, каде да го стави омекнувачот, како и да постави на сушење кога ќе се заврши перењето и сè што треба јас да направам е да се заблагодарам “, вели Флоренс.
„Тој отсекогаш беше заинтересиран за готвење, па затоа му дозволив. Имаме ножеви за мали деца и садови за готвење. Јас сум секогаш таму да се грижам за него. Тој го користи шпоретот, но знае дека е жешко и дека не смееме физички да го допираме, а тој никогаш не го сторил тоа, дури еднаш ми рече да ја помрднам раката затоа што ми беше на шпоретот, а шпоретот е врел “.
Честа поговорка во заедницата Монтесори е дека на детето треба да му се даде онолку помош колку што му е потребно, а таа изрека се негува во воспитувањето на Џекс.
Покрај тоа што му дозволува на детето да носи одлуки самостојно, Флоренс го поддржува во стекнување разни вештини, на пример во преминување сам на улица.
Таа објасни: „Секако дека сум тука, подготвена да го запрам доколку е потребно, но јас секогаш му давам шанса да донесе правилна одлука самостојно и тој секогаш, секогаш го прави тоа“.
„Безбедноста на улиците е задолжителна и треба да научиме што е можно поскоро“, рече Флоренс.
Мајката тврди дека детето е секогаш безбедно и надгледувано, но исто така му е даден простор за грешки и учење од нив.
Флоренс се заколнува во методот Монтесори, а ја поддржуваат семејството и пријателите.
И покрај тоа, некои се критички настроени кон овој метод на воспитување и тврдат дека тоа е занемарување на детето и лошо родителство. Флоренс се надева дека повеќе родители ќе го испробаат нејзиниот метод на воспитување, но нагласува дека е потребно прво да се истражат сите методи и техники на Монтесори.
извор:stil.kurir.rs
