Ејдан од „Сексот и градот“ заведе постара жена која не сакаше да се омажи: Ова е тајната на среќниот брак

На радост на многубројните фанови на серијата „Сексот и градот“, втората најголема љубов на Кери Бредшо се враќа во втората сезона на „И баш така...“, а тој веќе го сними и третиот дел од хит филмот „Мојата грчка православна свадба“, кој многумина со нетрпение го очекуваат

Втората сезона на серијата „Сексот и градот“, која сега се вика „И баш така“, а пристигна на малите екрани на 22 јуни, а многу фанови нетрпеливо ги чекаат новите авантури на популарните хероини. Освен славната четворка (сезонава се враќа и Ким Катрал), во серијата ќе се појави и непрежалената љубов на Кери - Ејдан Шо.

Новата авантура на веќе познатата поранешна љубовна двојка уште не е позната, а многумина тврдат дека Кери и Ејдан конечно ќе добијат трета шанса за среќен крај, која според многумина требало да ја имаат многу порано.

Според трејлерот, објавен пред премиерата на втората сезона, се навестува дека Ејдан и Кери ќе се вратат заедно откако таа ќе каже: „И баш така, сфатив дека некои работи е подобро да се оставени во минатото. Но, можеби... не сè."

Џон Корбет ја имаше честа да биде во три од шесте сезони на хит серијата „Сексот и градот“, како и во второто истоимено продолжение.

Згодниот актер кој ни го привлече вниманието во раните 90-ти има армија обожаватели. 

Неговата висина од 196 сантиметри и убавото лице беа доволни за да го добие првиот ангажман во реклама за „Самсунг“, а во следните три години сними дури 50 национални реклами.

И тогаш конечно се проби во актерството, а најпозната е улогата на Ејдан Шо во хит серијата „Сексот и градот“.

Уште еден интересен податок поврзан со серијата откри самиот Џон во интервју за „Glamour“, велејќи дека продукцијата му дозволила да ја задржи целата облека во која се појавил од 2000 до 2003 година.

- Го имам секое парче облека што го носев, дури и белите боксерки од Келвин Клајн што ги носев секогаш кога ги снимав сцените од бањата со Кери. Ја имам и белата маица од епизодата каде Ејдан ѝ вели на Кери „Ти ми го скрши срцето!“ Имам сè и морам да кажам дека тоа воопшто не беше евтино. Чевлите Прада што ги носев чинат 700 долари и сè уште ги имам.

И не само што таа улога му донесе голема популарност, туку во животот му донесе жена со која на крајот тајно се ожени по 20 години врска. Во тоа време, Бо Дерек сè уште се опоравувала од смртта на нејзиниот прв сопруг Џон Дерек и била убедена дека никогаш повеќе нема да може да сака.

- Имав аверзија да запознавам нови мажи. Се чувствував како да сум плен или трофеј што треба да го грабнат. Никогаш не знаев дали некој сака да ме запознае за мене или затоа што излегувањето со мене ќе ја осигура нивната популарност. Затоа избегнував да излегувам пет години, му рекла еднаш на Бо.

Таа и Џон Корбет се запознале преку заеднички пријател, холивудски агент кој сфатил дека двајцата ќе бидат совршена двојка, а останатото е историја.

- Тоа беше љубов на прв поглед. Од тој момент бев луда по него - тој е шармантен, смешен и сосема поинаков од мојот покоен сопруг. Со сето тоа тој е помлад од мене, изјави Бо Дерек во едно интервју.

Иако беа заедно речиси 20 години, немаа потреба тоа да го легализираат, а на прашањата на љубопитната јавност одговорија: „Понекогаш зборуваме за брак, но свесни сме дека немаме деца, а ние не сме веќе толку млади, така што нема притисок да мораме да се венчаме“, рече Дерек, а Корбет призна: „Никогаш не стапувајте во брак. Имам многу пријатели кои го направија тоа и се разведоа уште побрзо. Мислам дека тајната на успехот е во уживањето со некого“.

Тие сепак го прекршија тоа околу Божиќ 2020 година, што Корбет јавно го потврди.

- Се венчавме околу Божиќ. Бо и јас се венчавме. По 20 години решивме така. Не сакавме 2020 година да остане лош спомен, сакавме да го извлечеме најдоброто од неа – му раскажа Џон на својот пријател и водител Џери О’Конел за време на гостувањето во неговата емисија „The Talk“. Малку изненаден, актерот му возврати: „Го забележав твојот прстен и помислив да те прашам, но не на телевизија. Секоја чест!“

На крајот се одлучиле за брак, но не и за деца. Зошто никогаш не се остварила како мајка, Дерек еднаш признал:

- Долги години копнеев по деца и кога имав 30 или 32 години сонував да станам мајка. Но, мојот покоен сопруг Џон имаше две деца од претходниот брак и не му паѓаше на памет да има уште едно бебе на таа возраст. Сфатив дека тоа ќе доведе до тоа да бидам самохрана мајка. На крајот, кога конечно реши да има дете со мене, јас го одбив“.

Корбет ја поддржа нејзината одлука, па уште е маѓепсан од сопругата, позната актерка, иако се заедно повеќе од две децении.