Елегантно и романтично: Неодолив детаљ за коса совршен за секоја жена
Дали сакате да го освежите вашиот изглед, но не знаете од каде да почнете? Најбрзиот начин за ажурирање на стајлингот е употребата на нови додатоци. Широкиот каиш ќе ја промени силуетата на рамниот фустан, ѓерданот ќе ја украси класичната јакна, а масивните обетките едноставната бела кошула ќе ја претворат во вечерен фустан.
Меѓутоа, овој пат ве потсетуваме на додатоците кои многумина од нас ги имаат заборавено, а кои се особено погодни за летните денови: панделките во коса кои на облеката и даваат елеганција и романтика и моментално го освежуваат целокупниот изглед. Косата може да ја врзете во лабаво опавче и да ја декорирате косата со една едноставна панделка.
Инфлуенсерките на Инстаграм особено сакаат панделки и ленти со принтови и имиња од познати модни куќи. Можеби се прашувате - од каде потекнуваат таквите ленти? Кога купувате облека од луксузните брендови едноставно ја отстранувате лентата од кутијата!
Секако, не може секојдневно да се купува облека од марки како Шанел, Диор, Гучи или други луксузни парчиња, но посетата на продавниците за монистри и ленти од плиш или сатен дефинитивно не е комплицирана и скапа работа. Доколку добиете подарок кој е подврзан со лента од ткаенина, немојте да ја фрлате - можеби е совршена за украсување на вашата коса.
Ќе се воодушевите какви идеи пронајдовме на Инстаграм, сигурно некоја од нив ќе ви се допадне и вам!
