Еликсир на младоста: Намирници кои го забавуваат стареењето
Стареењето е процес што дефинитивно не може да се запре, но тоа не значи дека не може да се забави. Начинот на кој живеете и се грижите за себе многу придонесува за брзината на стареење.
Изборот на соодветна храна сигурно ќе ви помогне да го одложите прикажувањето на возраста на лицето и телото.
Кои се намирниците што ќе ви помогнат да изгледате помлади и да останете витални подолго, споделуваме со вас.
Јадете храна што ги ублажува ефектите на стресот
Овошјето, зеленчукот и мешунките содржат витамини, антиоксиданти и растителни влакна неопходни за забавување на стареењето на кожата. Во исто време, тие ги намалуваат дегенеративните ефекти на штетните слободни радикали и стресот што го среќаваме во секојдневниот живот.
Антиоксидансите се многу важни
Антиоксидансите вклучуваат ликопен, глутатион, флавоноиди и бета каротен (провитамин А), а исто така може да се најдат во моркови, домати и какао. Тие помагаат во забавување на оксидативниот стрес, главниот виновник за раните знаци на стареење.
Храната богата со сулфур исфрла токсини
Овој вид храна му помага на телото да го зголеми производството на глутатион, моќен антиоксиданс. Сулфурот во храната "исфрла" токсини од телото, го стабилизира крвниот притисок и спречува инфекции. Од храна богата со сулфур, изберете брокула, зелка, кељ, ротквица и карфиол.
Витаминот Ц е закон
Витамин кој ни помага да спречиме настинка и грип, но исто така помага во ублажување на нивните симптоми кога ќе се разболите. Се користи во производството на колаген, најмногу се наоѓа во агруми, но може да го примате и доколку јадете црвени и жолти пиперки, кељ, зелка, јагоди или ананас.
Омега-3 масните киселини го зачувуваат здравјето
Храната што содржи омега-3 масни киселини го зачувува здравјето на кардиоваскуларниот систем. Масни риби како сардини, скуша, сардела и лосос се најдобри извори на омега-3 киселини. Тие се исто така полни со витамин Е, кој е моќен антиоксиданс и промовира заздравување на кожата - велат нутриционистите.
