Филипче најави: Ќе има повторно полициски час
Поради непочитувањето на воведените мерки за носење заштитна опрема, а и поради големиот број инфицирани од коронавирусот во последните недели, повторно се предлага воведување на полициски час.
За ова предмалку соопшти минисерот Венко Филипче:
„Предложивме воведување на полициски час од 22 часот навечер до 5 часот наутро, на територија на цела држава започнувајќи од среда (10.03).
Овој предлог е поради тоа што изминативе недели најмногу инфицирани има поради трансмисија на вирусот преку собири, но и непочитување на воведените мерките за носење заштитна опрема, држење дистанца и негрупирање.
Апелирам на дисциплина којашто во моментов ни е најпотребна затоа што тоа единствениот начин да се спречи неконтролирано ширење на Ковид 19.“ - напиша министерот на Фејсбук.
