(ФОТО) По примерот на Кејт Мидлтон: Шеќеринска не се срами да носи ист фустан неколку пати
Министерката за одбрана Радмила Шеќеринска неколку пати избра еден ист фустан да го носи на неколку настани. Фустанот и стои одлично и ѝ ја истакнува убавата фигура, бојата исто така и стои одлично, но и самиот модел е модерен и елегантен, креација на македонската модна дизјанерка Тања Кокев.
Министерката вчера пред Собранието на Република Северна Македонија, кога Зоран Заев ги претстави предлог министрите во новата Влада, повторно го носеше истиот впечатлив и препознатлив виолетов фустан.
Можеби токму овој фустан и носи позитивна енергија и среќа на министерката. Но, можеби и таа како и Војвотката Кејт Мидлтон, се одлучила да рециклира облека. Идеја која започна да се шири како молња низ светските ѕвезди, но и идеја која наиде на голема поддршка од светските организации за зачувување на природата и нејзините богатства.
Шеќеринска е позната по својот изграден стил, министерката е секогаш елегантна и уредно средена за секоја прилика.
Р.Ж.М.
Фото: фејсбук
Можеби ќе ве интересира:
Женска политичка модна битка: Која од нашите политичарки во изборна кампања остава стилски впечаток?
Шеќеринска во егзотичен фустан за Денот на Армијата
