ФРАНЦИЈА ЈА СПУШТА ГРАНИЦАТА: Образованието од 2019 ќе биде задолжително од третата година
Франција ќе ја спушти возраста на задолжително образование од шест на три години во почетокот на учебната година 2019, што е всушност само симболична мерка кон кој се тежнее за признавање на важноста во образованието во предучилишните установи, со оглед на тоа дека речиси сите деца ги посетуваат школите во таа возраст.
Претседателот Емануел Макрон ја објави оваа новост вчера .
Според Елисејската палата, „одлуката за спуштање на возраста за задолжително образование на три години изразува подготвеност на претседателот на републиката од школото да направи место на реална еднаквост и да им оддаде признание на претшколските установи кои повеќе не смеат да се сметаат за место на чување или обично подготвување за основно училиште“.
Од 1959 школското образование во Франција е задолжително за сите деца од 6 до 16 години. Дотогаш во школо задолжително се одело до 14 години.
Но повеќето деца почнуваат да се школуваат веќе на три години. Школската година 2015-16 предшколските установи ги посетувале 97,6 посто тригодишни деца.
Мерката ќе стапи на сила на почетокот на школската година 2019. За неа ќе биде нужно основање на околу 800 работни места.
