Голем хуманитарен концерт на Тамара:Средствата од влезниците ќе бидат донирани за семејствата на починатите и повредените граѓани
По трагедијата во Кочани, ништо повеќе не е исто. Ни за нас, ни за семејствата на тие кои настрадаа и за повредените.
Покрај помошта што пристигнува за нив од многу места, со свој придонес се приклучија и неколку наши пејачи. Една од нив е и поп дивата Тамара Тодевска која на 17. 04 во 20 часот во МКЦ ќе направи голем хуманитарен концерт. Средствата од влезниците ќе бидат донирани за семејствата на починатите и повредените граѓани.
Сигурни сме дека ќе пее со грч и болка, но нека нејзините песни ве мотивираат да се собереме во што поголем број и да собереме што повеќе сретства.
Информациите за продажбата на карти ќе бидат објавени претстојните денови, а Тамара ги повикува сите свои фанови и луѓе кои ја почитуваат македонската музика да бидат дел од овој концерт:
- Хуманоста и солидарноста се вредностите кои можат да ја вратат надежта, а се толку потребни за семејствата на починатите и повредените граѓани во трагедијата во Кочани.Во моментите на тага и жалост - да останеме луѓе, да пееме македонска музика, да пееме за Кочани. На 17. април (четврток), во @mkc_skopje, од 20:00 Ве повикувам на хуманитарен концерт за Кочани, посочи Тодевска на своите профили на социјалните мрежи.
Продажните места за картите за овој концерт ќе бидат објавени на офијалните канали на социјалните мрежи на Тамара Тодевскана на Инстаграм и Фејсбук.
