Хана Хуљиќ покажа како изгледа месец дена пред породувањето но откри и дека сѐ уште не заминала на породилно (ФОТО)
Бремената далматинка се покажа во пресрет на загрепскиот концерт на класична музика на кој ќе настапи и таа, а воедно покажа како ја носи првата бременост и воодушеви со својот изглед.
Сопругата на пејачот Петар Грашо на својот Инстаграм профил објави нова фотографија од бременоста и ги остави сите без здив. Убавата Хана позираше во летен фустан со точки, а нејзиниот труднички стомак дојде до израз.
Точките се очигледно изглед кој оваа млада сплиќанка го обожава бидејќи во тој дезен сме ја виделе многу пати.
„Подготовки за концертот“, напиша таа под објавата под која нејзините обожаватели редат само комплименти.
Хана има уште еден месец до породувањето, а младата убавица не крие дека сѐ уште е вредна и дека ништо не и е тешко.
Ова ќе биде прво дете на неа и нејзиниот сопруг Петар, а неодамна го открија и полот на бебето. Двојката ќе ја пречека девојката ова лето.
