И покрај апелот за бојкот, Каролина одржа спектакуларен концерт во Дизелдорф пред илјадници Македонци
Три дена пред одржувањето на синоќешниот концерт во Дизелдорф, македонската пејачка ѕвезда Каролина Гочева дознала дека постојано се упатувале апели македонските иселеници да присуствуваат на настанот. И покрај апелите таа одржа спектакуларен концерт пред илјадници Македонци кои живеат во Германија.
Во видеото кое го објави Makedonier in Deutschland-Македонци во Германија, Гочева ги сподели импресиите од престојот и упати порака до присутните.
-Тие апели биле од македонско друштво од Дизелдорф. Но, ние не треба да сме како нив. Да шириме љубов, да им покажеме како треба. Затоа ќе ве замолам долоклу сте во можност присуствувајте на секој настан на Македонци, без разлика од која сфера се. Малку сме и тажно е да не се чуваме. Особено во овој период кога од толку страни сакаат да не згазат, ние сакаме да се газиме себеси – изјави Гочева.
- Затоа, ќе ве замолам, доколку сте утревечер слободни, никако да не го пропуштате настанот организиран од мк здружение, на кој настапуваат нашите Зуица и Наум, а и во иднина, не пропуштајте ниту еден настан организиран од Македонци за Македонци- додаде Гочева.
·Коментарите за концертот и пораката на Каролина беше прифатена со одушевување кај присутните.
На концерот присуствуваше и Роберта Димитриеска Тиков која живее во Дизелдорф. Таа порано беше хорски уметник во МОБ, а денес работи како асистент на деца со посебни потреби
Роберта ни изјави дека синојка биле обединети сите македонци
- Синоќа бевме обединети. Ако некој сакаше да направи нешто против тоа, не успеа Дизелдорф ечеше од убава музика, убави луѓе и прекрасното музицирање на Каролина и нејзиниот бенд. Се радувам на следно нејзино гостување во 2025“. На концеротот на Каролина имаше возрасни и многу дечиња. Возраста на присутните беше од 10 па се до 60 години. Ние си ја сакаме Каролина, таа е нашата ДИВА. Позитивно ме израдува топлината, едноставноста и прекрасна насмевка која ја поседува. Внимателна и прекрасна дама, која после концертот одвои дел од нејзиното време да размени и по некој збор со нас и да се фотографира. Ни вети гостување во 2025 година- ни потврди Роберта.
С.А.Н