Има 88 години, безвременска убавина и шарм: Софија Лорен се појави во јавност по долга пауза - и никој не остана рамнодушен (ФОТО)
Како изгледа Софија Лорен денес? Одговорот е: божествено!
Италијанската филмска дива Софија Лорен (88) последниве години живее настрана од јавноста и ретко ја гледаме, а оваа година последен пат се појави во март, кога беше фотографирана во Беверли Хилс на настан организиран од Џорџо Армани модната куќа.
Седум месеци подоцна, прекрасната Софија повторно застана пред фоторепортерите, а овој пат за многу посебна пригода.
Имено, актерката отвори ресторан со нејзиното име во центарот на Милано, а овој настан собра голем број гости од италијанскиот џет-сет. Таа пристигна во друштво на своето семејство и синот Карло Понти помладиот и нејзините внуци Беатрис и Виторио со кои гордо позираше.
Сите очи сепак беа вперени во Софија Лорен, жива легенда на италијанската и светската кинематографија, која повторно покажа зошто важи за една од најубавите жени на сите времиња и една од најголемите дами што ги видел филмскиот свет.
Софија Лорен отсекогаш била олицетворение на гламурот, а така беше и на отворањето на ресторанот „Софија Лорен“, каде се појави во елегантен бел костум со класичен крој, кој го комплетираше со сатенска бела блуза.
Познатата актерка носеше и луксузен дијамантски ѓердан и раскошни обетки од истиот комплет, а тука беше и нејзиниот заштитен знак – предимензионираните очила.
Широка насмевка, самодоверба и вродена харизма - Милано остана маѓепсан!
извор:GLOSSYфотографии: MARCO PIRACCINI / ZUMA PRESS / PROFIMEDIA
