Ја нарекуваат тивок убиец: Ова се симптомите на болеста од која почина Масимо Савиќ

Пејачот Масимо Савиќ почина вчера во Загреб на 61 година, по битка со рак на белите дробови.

Како што пишува Јутарњи лист, тој починал во болницата Виноград каде се лекувал од рак на белите дробови.

Веста за неговата смрт ја потврди сопругата Ени со објава на социјалните мрежи.

Ракот на белите дробови е познат како најчест и најсмртоносниот рак во светот, а бројот на заболени се зголемува секоја година.

Пушењето е секако најважниот фактор на ризик, но генетската предиспозиција, како и негативните фактори на животната средина како радонот и азбестот, играат голема улога во развојот на болеста.

Како што објаснува д-р. мед Ана Стојановиќ, раководител на Одделот за пулмологија во КБЦ „Бежанијска коса“, специјалист по интерна медицина-пулмолог, на почетокот на 20 век, ракот на белите дробови бил ретко заболување, но од 1980-тите до сега, тоа е ракот со највисока стапка на инциденца во светот.

Како и кај сите болести, раното откривање е клучно, но незгодно е што болеста може да постои во телото неколку години додека не се појават првите симптоми.

На кои симптоми треба да внимавате?

малаксаност

губење на апетит

слабост

губење на тежина

Ова се општи симптоми на болеста и доколку ги забележите, треба да се јавите кај вашиот лекар.

- Доколку има сува, постојана кашлица, кашлање крв, отежнато дишење, болка во градите или рамото, можно е да се работи за сериозно белодробно заболување - истакнува д-р Стојановиќ.