Каде почнува инфекцијата на коронавирус во телото: Научниците прецизно го идентификуваа местото во носот

Меѓународниот тим на научници ги идентификуваше два специфични видови на носни клетни, како веројатни појдовни точки на инфекцијата коронавирус.

Тоа откритие е објавено во весникот Nature Medicine, го отвара патот за развој на лекови кои би можеле да го намалат ширењето на вирусот. Исто така, во весникот е објавено и истражувањето на американските научници од Харвард и Massachusetts Institute Technology (MIT) кои откриваат кои клетки во белите дробови и цревата се најчувствителни на новиот вирус.

Кога во јануари го изолираа вирусот САРС-КОВ-2 како причина за болеста Ковид - 19, научниците дознаа дека короноварусот користи свој протеин С (sprike) за да се врзува за клеточните рецептори во нашите тела. Во својата пенетрација во ќелијата, вирусот се потпира на рецепторот ACE2 и на протеазата TMPRSS2. Но, досега не е јасно кои клетки биле први заразени.

За да откријат кои клетки се први на удар, научниците анализирале податоци од конзорциумот „Human Cell Atlas“ (HCA) на 20 различни ткива и органи, вклучувајќи ги белите дробови, носот, окото, цревата, бубрезите и црниот дроб.