Катерина Тодевска Спасиќ: Ми се оствари сонот да бидам како Тина Тарнер
Новиот имиџ на водителката Катерина Тодевска Спасиќ е вистинско освежување на тв екраните. Со години нејзин заштитен знак беше рамна коса со крмки(шишки).
- Од мала сум сакала да имам фризура како Тина Тарнер или Витни Хјустон, веројатно тоа е сон на сите девојки со права коса. Видов на инста како една девојка овде во Скопје прави такви фризури.
Се двоумев некое време и едно неделно утро решив, ќе одам па што сака нека биде.
Прв пат го излажав мојот сопруг Далибор. Му реков ќе одам на состанок во 12 часот - вели Катерина која првично не била задоволна од конечниот исход.
- Кога се вратив дома имав афро фризура ама долга до половина. Не ми се допаѓаше. Решив да променам нешто и сама се потстрижив.
Му се јавив на Далибор на вибер и му реков: „спремен ли си да ме видиш“? Се израдував кога тој ми рече: „супер си“!
Знаев дека не погрешив.
Имаше и злобни коментари како џогер, пудлица, глуварче. Ама мене ми се допадна, си ја исполнив својата детска желба да бидам како Тина Тарнер. Нема посреќна од мене. Најважното е што мојата коса е во плетенки и на неа е шиена виткатана коса -посочува водителката на Телма телевизија.
Неодамна започна да се емитува новиот проект ,,Никој како...,, кој го води со Ненад Ѓорѓиевски.
Има тука и многу обврски околу гости, прашања, подготовки да не биде секој ден истото, ама ние уживаме, а се надевам дека армијата ,,Никој како... ,од ден во ден ќе расте и ќе го вратиме смеењето како нужна потреба во ова малку лудо време и богами бааги стресно. Да се смееме и пееме секој ден - посочува Тодевска Спасиќ.
С.А.Н
Можеби ќе ве интересира
