Кроациа осигурување живот се вклучува во поддршката на спортот и младите таленти

Добивај вести на Viber

Лидерот на осигурителниот пазар во Македонија, Кроациа осигурување живот, уште еднаш се докажа како општествено одговорна компанија, која сака да помогне во сите сфери на општественото живеење во државата. Во согласност со светските трендови во осигурителната индустрија, Кроациа осигурување го поттикнува размислувањето надвор од стереотипите, промовира култура на иновации и работи на создавање нови вредности. Општествената одговорност е присутна во сите активности на компанијата, која отсекогаш ги поддржувала долгорочните проекти што имаат трајни вредности за локалната заедница, како и за пошироката јавност.

Кроациа, како водечка осигурителна компанија на македонскиот пазар, одговорно управува со ресурсите и се вклучува во поддршката на спортот и промовира здрав начин на живеење. Овој пат акцентот е на младите спортски таленти во тенисот и во ракометот на кои им се потребни дополнителни средства за натамошен развој во спортската кариера.

Од тие причини, компанијата реши да го спонзорира 15-годишниот тенисер Филип Стојановски, кој активно тренира и се натпреварува во Македонија, но и на меѓународната сцена. Минатата година Филип успешно настапуваше на домашни и на интернационални турнири и годината ја заврши како прв во Македонија на возраст до 14 години и 143ти во Европа.

Покрај младиот и талентиран тенисер Филип Стојановски, Кроациа осигурување се вклучи и во спонзорство на ракометниот клуб Вардар Неготино. Младите ракометари на Вардар Неготино моментално се натпреваруваат во Првата ракометна лига и имаат изгледни шанси следната година да се најдат во најсилната македонска ракометна Суперлига.