Лазаров: Зоки има 25cm тумор кој мора да се отстрани доколку сака да преживее-апелира да му помогнеме сите
Стефан Лазаров пред малку на социјалните мрежи сподели статус во кој бара помош од целата јавност да му се помогне на Зоки Фаци.
Имено, познатиот водител води битка со тумор неколку месеци, а неговиот колега побара да му помогнеме на пријателот, кој како вели не може да седи и со скрстени раце да гледа како умира.
Неговиот статус го пренесуваме во целост:
„Здраво на сите.
Изминативе неколку месеци беа навистина тешки за Зоки, но секако и за мене бидејќи неговата болка ја гледам и како своја.
Зоки има 25cm тумор кој мора да се отстрани доколку сака да преживее. Веќе неколку месеци операцијата се одлага, а единствен начин да се оствари побрзо е тоа да биде во приватна болница во која трошоците се огромни. Зоки не сакаше да бара милост ниту некој да го жали, но лично не можам да седам со скрстени раце и да го гледам пријателот како умира.
Затоа мои добри луѓе , ве замолувам да се соединиме и да му помогнеме на човекот кој долго ве смее , да ја победи оваа битка и од понеделник да го пратиме на операција.
На сликата имате сметка за донации, а потребни се околу 15000 евра. Доколку има потреба до среда ќе отвориме и броеви. Фала ви однапред на сите, Господ да ве чува.- напиша познатиот јутјубер, музичар и водител на социјалните мрежи.
Можеби ќе ве интересира
