Луѓето се крстат кога поминуваат покрај црква: Свештеник ја реши вечната дилема дали е тоа е помодарски или христијански чин

Добивај вести на Viber

Веќе неколку години сме сведоци дека луѓето штом ќе видат црква или кога ќе поминат покрај неа, пеш или со некој превоз, се грижат да се прекрстат. И додека едни веруваат дека тоа е механички чин, кој нема никаква врска со верата и поврзувањето со Бога, други во овој чин гледаат израз на почит кон светото и верата.

Прашањето што се наметнува е дали се работи за помодарство, некаква појава прифатена од мнозинството или е христијански чин?

- Мислам дека таквиот чин е апсолутно христијански. Кој чувствува потреба на овој начин да му се приближи на Бога, макар и само за момент, не прави ништо лошо. Крстот има две линии. Хоризонталните и вертикалните линии ја претставуваат љубовта и ја симболизираат љубовта кон Бога, објасни свештеникот Саша Ѓурѓевиќ.

Од друга страна, социологот Ратко Божовиќ сметаше дека овој чин е еден вид невербална комуникација, навика и механичка реакција.

- Јас сум на мислење дека тоа е форма на навика или механичка реакција. Младите порано не го правеа тоа, а сега гледаме како масовно се крстат на јавно место. Тоа сигурно го виделе од нивните постари. Сепак, верувам дека кај поединците се почнува од внатрешните настани. Многумина на овој начин ја покажуваат својата љубов кон Бог. Тоа е еден вид емпатија, чувствителност, емоции. Затоа кај едни е манир, а кај други внатрешно чувство, рече социологот, пишува Ало.

Како и во се‘, мислењата се поделени, а нема официјална шема дали си поголем христијанин ако се крстиш и се молиш кога поминуваш покрај црква или не го правиш тоа и живееш чесен живот.

Како што можеме да видиме, работата е индивидуална и зависи од личноста и неговите потреби.

Фото: Женски магазин - В. Тануровски