Малкумина знаат дека поминала низ пекол: Ханка Палдум доживеала клиничка смрт
Фолкерката Ханка Палдум е сопственичка на бројни хитови, со својот глас со години ги освојува срцата на публиката, а јавноста знае малку детали за нејзиниот приватен живот.
Својот талент за музика го открила во родниот Чајниќ. Братот Смаил е одговорен за самиот нејзин старт. Една од најубавите девојки во тоа време беше нон-стоп мета на додворувачи.
- Младинските и тинејџерските денови се периодот кога се будат љубовта и првите емоции. Имав симпатии, и секогаш ме привлекуваа фини и културни момци кои на некој начин се издвојуваа од толпата. Тогаш не беше учтиво да се искажуваат емоции во јавност затоа што ќе нѐ обземе срам и непријатност. Имаше многу момци кои се обидуваа да ме освојат и кои се интересираа за мене, но јас ги избегнував бидејќи се плашев на љубовта, знаејќи што носи таа со себе. Мојот прв дечко всушност беше мојот сопруг, со кој само на почетокот се дружев, изјавила Ханка и додала:
-Мајка ми не ми дозволуваше долго да останам надвор, па најчесто се гледавме на пат од дома до училиште. Мурадиф беше студент по литература во времето кога се запознавме, а јас сè уште бев средношколка. На самиот почеток беше многу љубезен и имаше прекрасни манири. Често одевме заедно на кафе и лимонада после училиште, ме освојуваше полека и долго, па успеа да ме натера да се заљубам во него - изјави тогаш Ханка.
Меѓутоа, малкумина знаеле дека таа поминала низ вистински пекол. Пејачката дури два пати доживеала клиничка смрт, а претходно доживеала огромна загуба во семејството, а животната приказна на Ханка Палдум никого не оставила рамнодушен.
-Имав многу тешки породувања, а и за двете доживеав клиничка смрт поради здравствени компликации. Потешко ми беше да се породам со Мирза кога бев мртва неколку минути, што не сакам да се сеќавам. Мајчинството го доживував како природен редослед на нештата во животот и секогаш се сметав себеси првенствено за жена и мајка, а дури потоа за уметник. Музиката ја сметав за дел од мене, никогаш не обрнував посебно внимание на кариерата и не се оптоварував со деловни успеси, но поважно ми беше да ги водам децата на вистинскиот пат. Минела секогаш ми беше десна рака, голема помош, а особено кога беше мала можев да се потпрам на неа, истакна во една прилика пејачката.
