Марта на овие фотки има 81 година: Никогаш немала пластични операции, а со децении следи 6 навики за нега на кожата
Годините се само бројка, особено во денешниот свет, каде што има толку многу можности и начини за нега на кожата. За тоа сведочат многу познати жени, а меѓу нив е и познатата готвачка Марта Стјуарт која ги откри своите тајни за нега на лицето.
Марта има 81 година, а неодамна покажа фотографии од својата блескава кожа.
- Ова се трите селфи фотки што ги направив. Мојот израз на лице е најдобар на првата слика, но на сите три кожата изгледа одлично. Без филтер. Без лифтинг“, напиша таа под фотографиите на Инстаграм.
Таа инсистира дека стареењето не значи дека треба да водиме попасивен начин на живот, напротив, таа се движи и на тој начин одржува фантастична фигура.
- Одам на пилатес што повеќе пати неделно, не сакам да почнам да живеам лошо бидејќи стареам, рече таа.
Освен што се храни здраво и вежба со децении, Марта следи и шест едноставни, но ефективни правила за да го зачува младешкиот изглед на својата кожа.
-Никогаш не оди да спие без да ја тргне целата шминка.
- Лицето го мие со бебешко масло, особено по снимањето емисии, кога има многу шминка на нејзиното лице.
-Нанесува маска за лице на кожата секое утро. Се буди околу 5 часот наутро и ја држи на лицето околу еден час.
- Секој ден консумира зелен сок, кој сама го подготвува и верува дека тоа е тајната за здрава кожа и коса.
- Се заштитува од сонце и инсистира секој ден да носи крема за сончање, која ја меша со пудра.
- Ги намалува третманите за лице на минимум. Таа никогаш немала хемиски пилинг, а тврди дека никогаш не отишла под нож, пишува Index.hr.
ФОТО: Инстаграм/Профимедиа
