„Мажот има право да ве тепа еднаш годишно“: Исповед на најуспешната иранска ракометарка која побегна во Шпанија

Шагаје Бапири, иранска ракометарка која оваа недела побегна во Шпанија, во интервју за Гласот на Америка (VOA) изјави дека не гледа иднина за ракометарките во оваа држава доколку не се променат условите за живот

Бапири (30) е долгогодишен член на иранската женска ракометна репрезентација во клубот Сепахан, кој од 2015 година го финансира иранската влада, а беше една од најискусните ракометарки на оваа репрезентација на 25. Светско првенство во ракомет во Шпанија.

Таа го напушти хотелот „Серкотел Сорола Палас“ каде што беа сместени ракометарките на оваа репрезентација и планира да бара азил во Шпанија, и единствено таа остана во друга земја и не реши да се врати во родниот Иран.

Во првото интервју по бегството, таа за медиумите изјави дека „законите што владеат“ во женскиот спорт во Иран довеле до нејзината одлука. Но, нејзината одлука значи и дека семејството ќе треба да плати околу 35.000 долари кои ги дале како залог кога таа го напуштила Иран. Во оваа држава, такво е правилото - се користи имотот на спортистите како залог за враќање дома.


Да не беше тоа, никој од нашите ракометарки немаше да се врати во државата - вели оваа ракометарка и додава:

- Одбив да се вратам во Иран бидејќи таму се случуваат работи кои се толку лоши што едноставно не може да се прифати. Сакам да одам на друго место... Еве еден пример, да ви кажам нешто за нашиот прв натпревар против Романија. Мојот противник несвесно ми го симна хиџабот од глава, а не можете да замислите како потоа се однесуваше со мене директорот на репрезентацијата. Сè на сè, не можам да го прифатам тоа и затоа останувам во Шпанија.

Таа откри и дека во Иран има огромна разлика меѓу мажите и жените, а тоа го објасни со малку неверојатен пример.

- Ние жените многу страдаме во Иран и во нашето општество има огромни разлики меѓу мажите и жените. Да  ви дадам еден пример кој воопшто нема врска со спортот. Мојата соседка била редовно тепана од нејзиниот сопруг, а кога конечно собрала храброст и поднела тужба против него, судијата во судот ѝ рекол: „Госпоѓо, во Иран сопругот има право да ве тепа еднаш годишно“. После тој одговор таа се откажа од разводот, од адвокатот и од се‘. Беше шокирана...“, наведува оваа ракометарка.


Фото: Инстаграм - shaghayegh.bapiri

Видео: Твитер