Ме исфрли на улица со ќерките: Амернис Нокшиќи раскажа потресна приказна
По новинарката Анета Кочишки, потресна животна приказна раскажа и актерката Амернис Нокшиќи во рамките на кампањата #Слушни ја против насилство врз жените и девојчињата.
- Крајот на ноември за мене отсекогаш беше симбол за една есенска романса. Си отидов од дома и од државата, за таму нему да му бидам се’. Големите ветувања и планови за заедничка среќа се претворија во кошмар, очај и страв. Се најдов исфрлена на улица, јас и моите ќерки.. Останавме без ништо. Завршивме во шелтер за жени и деца, жртви на семејно насилство. Модринките поминаа, но се’ уште печат лузните што тој ги остави во душата. Жал ми е што моите ќерки ќе живеат со траумата дека сите мажи се исти. Затоа што не се! - раскажа Нокшиќи.
Станува збор за вистинската животна приказна на Ѓултен. Во рекламниот спот Амернис потсетува дека во темница остануваат уште илијадници приказни недокажани од жени и девојки кои претрпеле родово базирано насилство.
- Нивниот глас и нивната приказна треба да се чуе. Затоа #Слушни ја и приклучи се во кампањата против насилство врз жени и девојчиња - порачува таа.
Можеби ќе ве интересира
