Ме извади низ прозор и ме давеше: Анета Кочишки раскажа потресна приказна

Потресна животна приказна, раскажа новинарката Анета Кочишки, автор и водител на емисијата „Лица “ на 1 ТВ. Анета ја поддржа кампањата против насилство врз жените и девојчињата. 

„ Го запознав службено. И двајцата бевме успешни во своите кариери и уживавме углед. Поради работата често патував и бев во контакт со влијателни и моќни луѓе. Тоа му пречеше, почна да станува посесивен. Се повеќе, секој ден. Љумобора, понижувања и навреди ја гушеа нашата врска. Се убедував дека е минливо, секој има кризи. Мислев, премногу ме сака, затоа ме чува само за себе. Дури и најблиските ми велеа: Не претерувај, знаеш какви се мажите понекогаш. Се давев во сопствената илузија дека ќе се промени. Но, една вечер, тој вистински се обиде да ме удави. Ме извади низ прозор и почна да ме дави. Денес е во затвор, кај што му е местото“, е дел од приказната која ја раскажа Кочишки.

Понатаму во видеото, таа вели:„Ја слушнавте вистинската животна приказна на Елеонора. Но, во темницата остануваат уште илјадници неслушнати приказни на жени и девојки кои претрпеле родово базирано насилство. Нивниот глас, и нивната приказна, треба да се чуе. Затоа, слушни ја и приклучи се во кампањата против насилство врз жените и девојчињата.“, вели Анета како поддрша за кампањата „Слушни ја - 16 дена активизам против насилство врз жени и девојчиња.“

Фото: 1 ТВ