Меланија Трамп во бел фустан кој лесно може да помине како венчаница: Совршен моден избор со кој го засени скандалот (ФОТО)
Тој е мајстор за скандали, а таа е совршената жена зад моќниот маж.
Поранешниот американски претседател Доналд Трамп и неговата сопруга Меланија Трамп присуствуваа на церемонијата во Њујорк на која беше најавен голф турнирот „LIV Golf International“, кој се одржа викендов во неговиот клуб во Њу Џерси.
Турнирот, кој задава опасен удар на конкуренцијата од турнејата PGA, предизвика гнев кај семејствата на жртвите од терористичките напади на 11 септември. Говорејќи на прес-конференција во близина на Бедминстер во вторникот, претседателот на 9/11 Families United, Тери Старада рече дека сите членови на организацијата биле скандализирани од навредливиот турнир во клубот на Трамп, кој е на само 50 милји од местото каде што се случи терористичкиот напад во 2001 година.
Но на Доналд Трамп не му пречат многу критиките туку ги повикува играчите да се приклучат на турнирот и да заработат што повеќе пари.
Американскиот милијардер е многу возбуден поради спортскиот настанн и срдечно ги поздрави гостите, меѓу кои и Кејтлин Џенер.
Трамп модерно беше усогласен со сопругата, која како и секогаш блесна во неверојатно префинета модна појава.
Меланија се појави во асиметричен бел фустан, кој лесно може да помине како венчаница, а ова парче ја истакна нејзината совршена фигура.
Белиот фустан без прерамки, долг до колена, го красеа интересни набори. Декоративната тока во пределот на стомакот е совршен трик кога станува збор за истакнување на струкот и колковите. Совршеното издание го комплетирала со металик, сребрени сандали на високи потпетици.
извор:stil.kurir
