Mодно ремек-дело од кое е невозможно да се тргне поглед: Констракта во Palazzo панталони за кои зборува цела Европа (ФОТО)

Овој модел е во тренд со децении, а Констракта се одлучи за многу ефикасни панталони за појавата во Хрватска.

Српската уметница Ана Ѓуриќ Констракта, која со песната In Corpore Sano ќе ја претставува соседна Србија на претстојниот Евросонг во Торино, деновиве повторно е во центарот на вниманието.

Токму кога бурата малку се стипи по нејзината убедлива победа на Евровизија, убавата Констракта се врати со многу возбудливи настапи! Најпрво на сите им го одзеде здивот на предевровизискиот концерт Israel Calling во Тел Авив, а потоа го видовме нејзиниот претходно снимен настап во емисијата „Zvijezde pevaju“ на ХРТ, хрватскиот јавен сервис.

Кога зборуваме за стил, панталоните во кои настапи во Загреб се „виновни“ за полудувањето по Констракта.

Имено, таа избра palazzo панталони со потписот на модната дизајнерка Александра Лалиќ, додека комплетниот стајлинг за оваа и сите други изведби го дизајнираше костимографката Ивана Кесиќ. Станува збор за длабоки palazzo панталони, значително предимензиониран и обвиен модел кој на прв поглед изгледа како луксузно здолниште.

Констракта со години е позната по негувањето на автентичен моден израз, а веќе имавме можност да ја видиме во сличен модел на Егзит пред неколку години.

Панталоните Palazzo, именувани по структурата која потсетува на структурата на палатите, со широка основа и тесен горен дел, како триаголник, се вистински хит секоја пролет и лето. Станува збор за удобни панталони со широки ногавици, кои и овозможуваат на кожата да „дише“, а својата најголема популарност ја стекнаа кон крајот на шеесеттите и почетокот на седумдесеттите, кога ги носеа некои од најпознатите жени од тоа време.

Ова совршено се совпадна со развојот на хипи културата, во чија мода доминираа лесни и широки парчиња облека, па панталоните Palazzo одлично се вклопуваат во она што денес го знаеме како бохо стил.

Во текот на осумдесетите, светот на модата накратко заборави на овој шик модел, кој Дона Каран и Џорџо Армани го вратија на големите врати, како дел од женските деловни костуми составени од јакни и Palazzo панталони. Денес тие припаѓаат на т.н жешки трендови ширум светот, особено во пролетната и летната сезона, а има безброј начини да ги стилизирате.