„Мојата добрина завршува таму каде што започнува вашата грубост“: Jасна порака од жена
Во свет каде себичноста и грубоста често се наградуваат, од
клучно значење е да научите како да поставувате граници и да го зачувате
сопственото достоинство.
Љубезноста е доблест што длабоко ја ценам, но мора да има свои граници. Оваа порака е за секој кој некогаш се обидел да ја искористи мојата добрина: Мојата подготвеност да помогнам завршува таму каде што започнува вашата грубост. Низ годините, се обидов да им пружам поддршка и помош на другите, верувајќи дека мојата добрина ќе се врати во некоја форма и дека луѓето ќе ги препознаат моите искрени намери и ќе одговорат со почит.
Сепак, искуството ме научи дека тоа често не е така. Многумина ја искористија мојата подготвеност да помогнам за да ги унапредат своите цели, игнорирајќи ги моите потреби и чувства. Непристојноста се повеќе навлегуваше во нашата врска и сфатив дека морам да поставам јасни граници за да се заштитам. Поставувањето граници не е знак на слабост или себичност. Напротив, неопходно е да се зачува менталното здравје и самодовербата.
Кога почнав да ги изразувам моите граници, многумина беа изненадени. Некои дури мислеа дека сум се променила, но всушност го сменив само начинот на кој се однесувам кон оние кои не знаеја да ја ценат мојата добрина. На почетокот беше тешко. Имаше моменти кога се чувствував виновна што реков „не“ или одбив да направам нешто што некому му е важно.
Меѓутоа, со текот на времето сфатив дека е важно да се ставам себеси на прво место и да не дозволувам грубоста на другите да ме повреди или истроши. Посебно сакам да им кажам на жените кои често се соочуваат со истите предизвици дека е во ред да поставуваат граници. Не мора да бидете секогаш достапни или секогаш да им угодувате на другите. Клучот е да го препознаете моментот кога вашата добрина се претвора во жртва и да ставите крај.
За грубоста нема место во мојот живот. Мојата добрина треба да се препознае и почитува. Научив дека е подобро да имам неколку вистински пријатели кои ја ценат мојата добрина отколку многу познаници кои ја користат. Затоа, драги жени, не плашете се да поставувате граници. Вашата добрина треба да се цени и вашата среќа не треба да се жртвува за груби луѓе. На крајот, да се биде добар значи да се биде добар со себе. Мојата подготвеност да помогнам завршува таму каде што започнува грубоста на другите, а тоа е правило кое ќе ме води низ животот.
Фото: freepik
