На детската клиника 15 деца се лекуваат од ковид19: Ги лекуваме поради можност од компликација, вели директорката Софијанова

На Клиниката за детски болести во моментов има 15 деца кои се позитивни на корона вирусот, но како што денеска изјави директорката, Аспазија Софијанова, тие се стабилни и ниту едно не е во животозагрозувачка состојба.

-Во моментот има околу 15 деца со 15 мајки кои се ковид-позитивни. Сите се стабилни. Ги лекуваме поради евентуална можност за компликација и дел од нив веќе ги испишуваме во сосема стабилна состојба. Нема ниту едно дете во згрозувачка состојба, изјави Софијанова на денешниот настан за донација од Република Словачка на Клиниката за детски болести .