Не ги покривајте бебињата помлади од 12 месеци: Ризикот е огромен, а еве како да знаете дали им е топло во зимските ноќи
Децата до 12 месеци никако не смеат да бидат покриени, а еве која температура е идеална за нив и како да знаете дека им е топло без прекривка
Бебешкото ќебе е прекрасен подарок што сигурно ќе го добиете од некого. Како што дојде постуденото време, сигурно мислите дека е време да го искористите и да го покриете вашето малечко за да не му залади.
Сепак, треба да знаете дека прерано воведувањето на ќебе или друга мека постелнина може да го зголеми ризикот од СИДС (синдром на ненадејна доенечка смрт). Најбезбедно е да почекате вашето дете да порасне за да му понудите ќебе или друга покривка, а еве како да знаете кога е вистинското време.
Бидејќи бебето може да се задуши под ќебе, најбезбедно опкружување за да спие е голо креветче без ќебиња, браници, перници, плишани играчки или слично. Единственото нешто што му треба на вашето бебе во текот на ноќта е чаршаф кој е цврсто вовлечен од сите страни.
И немојте да бидете во искушение од различните реклами кои нудат специјални душеци или други површини кои се продаваат за да се намали ризикот од СИДС, бидејќи не е докажано дека делуваат и можат да бидат потенцијално опасни.
Кога можам да го покријам бебето со ќебе?
Не постои официјална возраст која се смета за сосема безбедна за употреба на ќебиња, јоргани или други прекривки, но повеќето медицински експерти веруваат дека меката постелнина претставува мал ризик во креветчето за здрави бебиња под 12-месечна возраст, а идеално е за 18 месеци и постари.
Затоа е најдобро да се воздржите да го покривате вашето бебе најмалку до 18 месеци бидејќи може да се заплетка во него ако е помладо. По 18 месеци, тенкото ќебе и малото ќебе може да се користат и дури можат да станат важен дел од рутината пред спиење.
Исто така, имајте предвид дека меката постелнина сè уште не е дозволена, дури и ако планирате да го ставите вашето бебе над ќебето наместо под него. Сè уште може да се заплетка додека се движи во сон.
Како да го стоплам моето бебе без ќебе?
Ако сте загрижени дали на вашето бебе му е ладно, а тоа има под 12 или 18 месеци, најдобро решение може да биде користењето вреќа за спиење. Ова едноделна облека е направено за да го покрие телото на вашето бебе, но не и неговата глава.
Ако вашата куќа или собата на бебето е екстремно топла, можеби нема ни да треба дополнителен слој. Идеалната температура за добар сон е помеѓу 20 и 22 степени, во сите годишни времиња. Прегревањето на бебето исто така може да го зголеми ризикот од СИДС.
Ако се прашувате како можете да препознаете дали на вашето бебе му е топло навечер, допрете го задниот дел од неговата глава. Кожа која е ладна на допир ви кажува дека му треба уште еден слој, а ако кожата е топла или забележите дека бебето се поти, премногу е жешко.
Извор: yumama.mondo.rs