За време на бременоста дознала дека има тумор во последна фаза: Лекарите рекле дека абортус можеби ѝ е спас, но решила да се породи и тогаш се случило чудо
По бременоста се случи чудо
Џесика Хана е мајка на четири деца, а кога била бремена со четвртото дете ѝ бил дијагностициран рак на дојка во најнапредна фаза. Многу лекари ѝ препорачале да абортира.
Еден ден забележала вдлабнатина на градите, по разни анализи лекарите констатирале дека се работи за бениген тумор, но не биле во право. Ракот веќе бил во четврта фаза. Отстранет ѝ бил тумор од 13 сантиметри, но состојбата била сериозна, а болницата како решение ѝ понудила абортус. Меѓутоа, таа одбила и избрала третман кој нема да го загрози нејзиното неродено дете.
„Во 14-та недела од бременоста ми беше дијагностициран рак на дојка многу напреднат. На мојот сопруг му беше кажано дека најверојатно ќе умрам. Порано секогаш бев вклучена во одбрана на животите на неродените деца, на социјалните мрежи и во разговорите со пријателите, толку многу зборував за заштита на животот. Сега станав жената на која сите се повикуваат во нивните дискусии - што ако животот на жената е во опасност? Дојде време да преминам од зборови на дела – вели Џесика.
Таа признава дека, иако претходно била декларирана „про-животна“ активистка, само искуството на сопствената болест и грижата за животот на нејзиното неродено дете ги потврдило нејзините претходни избори и ги зацврстило нејзините верувања.
- Мислев дека маките не смеат да бидат залудни, па два дена по дијагнозата решив да пишувам за тоа на социјалните мрежи. Не знаев каде ме води Бог, дали ќе ме одведе на пат каде што треба да им покажам на луѓето како да умираат достоинствено, со Неговата милост и милосрдие? Или можеби ќе се случи чудо? - објаснува таа.
Туморот исчезнал и бебето се родило здраво
Откако се роди бебето, се покажа дека ракот на Хана е во ремисија. Беше вистинско чудо и таа го нарече својот син Томас.
- Ако сте бремени, имате рак и сте загрижени за вашиот живот и вашето бебе, има надеж. Знајте дека вие и вашето дете можете да ја преживеете оваа катастрофална дијагноза. Знајте дека не треба да го жртвувате животот на вашето дете за својот. Има надеж и за двајцата. Ова е Томас, роден совршено здрав и покрај биопсиите, двете операции и четирите циклуси на хемотерапија што ги имав. Иако имав тумор од 13 см, моментално се тестирам за рак и Томас е здрав. Верувајте во моќта на молитвата. Господ е навистина голем – вели на крајот оваа храбра жена.
Извор: www.najzena.rs
