Не можеме да разбереме зошто се купува толку многу тоалетна хартија: Македонци од Минхен со сведоштва за коронавирусот

Уште пред еден месец Германците почнаа поради коронавирусот да прават залихи од некои намирници. Денес тие слики, кои се забележливи и кај нас но и ширум Европа, се повеќе се гледаат и таму. Дел од граѓаните сами коментираат дека таквото однесување во купувањето, посебно на храна и конзервирана храна е забележливо, не во целата земја, но сигурно ширум неа.

Фактор контактираше наши државјани кои живеат неколку години во Минхен. Тие раскажуваат за моментната ситуација таму.

- Од пред два дена социјалниот живот е ограничен. Затворено е веќе се. Музеи, кината, театри а вработените делумно се ослободени до 20 април. Затворени се и спортските објекти, фитнес клубови, обложувалници и бордели. Забраната важи и за верските собири. Се затвораат и детските игралишта. Во дел од пекарите работното време е намалено, продавниците кои не продаваат прехрамбена храна се затвораат а рестораните ќе работат со скратено време. Во болниците засега нема промени во полето на работни часови-ракажуваат нашите соговорници.