Не ни е лесно: Кајмакоски потврди дека се разведува
Даниел Кајмакоски потврди дека се разведува од манекенката Кристина Димитријевска од Тетово. Оваа вест, за време на велигденските празници ја објави „Ексклузив“, а пејачот, за естрадниот магазин „Бекстејџ“ изјави дека ова за него не е лесен период.
„Деновиве не реагирав на објавените новости за мене само поради една причина, Велигденските празници, кои се свети денови и треба да се исполнети со мир и љубов за секого. Како јавна личност секако дека го споделувам и приватниот живот со јавноста, но за сѐ има вистинско време. Јас и Кристина не сме заедно подолго време. Бракоразводната постапка е во тек. Заедно ја донесовме одлуката да се разведеме, зашто знаеме дека е тоа најдоброто за нас. Најважно ни е да бидеме секогаш добри родители на нашето дете. Комуницираме постојано, одлично се разбираме и функционираме како родители. Се поддржуваме еден со друг за идните планови и двајцата позитивно гледаме на иднината“, напиша Кајмакоски во мејлот во Белград, каде што во моментов живее.
Даниел со Кристина и со синот Давид кој во февруари наполни две години
Победникот на првата сезона на талент-шоуто „Икс фактор“ и Кристина го имаат синот Давид кој во февруари годинава наполни две години.
„Нашите семејства и блиски пријатели знаат за разводот веќе некое време и ја имаме нивната поддршка. Сепак за никој од нас не е лесен овој период“, додаде Кајмакоски.
Во ноември минатата година, Даниел изрази желба да го прошири семејството. „ Растат толку брзо. Душо, ни треба уште едно“, ѝ порача Кајмакоски на сопругата преку својот Инстаграм профил.
