Нејзиниот најкраток брак траеше еден ден, најдолгиот 30 години: 20 љубовни лекции од дивата која се мажеше 9 пати
фото:profimedia
Неодолив шарм и остар јазик, За За Габор беше позната по своето неконвенционално сфаќање за љубовта и бракот.
Позната по својата искреност и остар јазик, познатата унгарско-американска актерка За За Габор е родена на 6 февруари 1917 година во Будимпешта, под името Сари Габор.
Кариерата ја започнала на само 17 години, во 1934 година, кога ја открил тенорот Ричард Таубер за време на патување во Виена и ѝ понудил улога во неговата нова оперета.
Една година подоцна, За За се ожени со Бурхан Асаф Белге. И тоа е само почеток на нејзината голема љубовна одисеја во која таа имаше дури девет сопрузи.
Познатата актерка беше позната и по одличното чувство за хумор и никогаш не ги криеше своите неконвенционални ставови за љубовта и бракот, па затоа смени толку многу сопрузи.
Нејзиниот втор сопруг беше бизнисменот Конрад Хилтон, со кого исто така не најде долгорочна среќа.
-Неговата одлука дека треба да го сменам името од За Зе во Џорџија симболизира сè што на крајот ќе стане мојот брак со него. Моите унгарски корени мораа да бидат искоренети и моето потекло беше игнорирано. Наскоро сфатив дека мојот брак со Конрад означува крај на мојата слобода. Моите лични потреби беа целосно запоставени - рече таа по разводот со славниот богаташ.
Следуваа бракови со Џeорџ Сандерс, Херберт Хунер, Џошуа Козден, Џек Рајан, Мајкл О’Хејр, Фелипе де Алба и Фредерик фон Анхалт.
Бракот со де Алба е еден од најкратките во историјата. Имено, парот се венча на 13 април 1983 година, а само еден ден подоцна, на 14 април, го поништија бракот. Таа се омажи за Фредерик фон Анхалт во 1986 година и остана со него сè до нејзината смрт на 100-годишна возраст, на 12 декември 2016 година.
Прочитајте подолу некои од најлегендарните љубовни лекции на оваа духовита и искрена дива.
1. Жената мора да се омажи од љубов и мора да се мажи сè додека не најде љубов.
2. Тајната на долгиот брак е во тоа понекогаш сопругот да излегува со своите пријатели навечер, но и сопругата да излегува со нив.
3. Да се биде сакан е сила. Да се сака е слабост.
4. Сопрузите се како оган, тие излегуваат од контрола ако ги оставите без надзор.
5. Отсекогаш сум велела дека бракот мора да биде 50-50. Човекот мора да има најмалку 50 години и да има 50 милиони долари на банкарска сметка.
6. Научив дека адвокатите се најдобри пријатели на жените, а не дијамантите.
7. Сакам човек кој е фин и има разбирање. Дали е премногу да се бара тоа од милионер?
8. Сакам интелектуални типови на мажи. Тие знаат сè и не се сомневаат во ништо.
9. Мојата теорија е дека мажите сакаат со своите очи, а жените со своите уши.
10. Да се разведете само затоа што не го сакате вашиот сопруг е исто тголку глупаво како и да се омажите за него само затоа што го сакате.
11. Јас ги плаќам моите сметки сама затоа што сакам и сама да го изберам својот човек, не тој да ме избере мене.
12. Мажот всушност не го познаваш сè додека не се разведеш од него.
13. Верувам во големи семејства. Секоја жена треба да има најмалку три сопрузи.
14. Љубовта мора да биде инспирација, а не обврска.
15. Во секундата кога ќе почнам да го разбирам мажот, тој повеќе не е возбудлив за мене и повеќе не е предизвик за мене. Последното нешто што го сакам на светот е човек да знае што се случува во мојата глава. Тоа ја намалува мојата мистерија, а е најважната работа во односот помеѓу маж и жена.
16. Ако ви се допаѓа маж и вие му се допаѓате нему, омажете се што е можно побрзо. Во спротивно, двајцата ќе се предомислите, а за тоа имате доволно време по свадбата.
17. Треба ли на мажот да го вратите прстенот? Секако, но прво мора да ги извадите сите дијаманти од него.
18. Многу е полесно да направиш среќен туѓ сопруг отколку твојот.
19. Јас сум одлична во чувањето на куќата. Секој пат кога ќе оставам сопруг, му ја зачувувам куќата.
20. За паметна жена, мажите не се проблем, туку решение.
извор:24sedam.rsПоврзани вести:
(ФОТО) Личните предмети на За За Габор се продадени - колкава е сумата?
