Официјално крај: Нема спас за гласот на Стивен Тајлер, познатиот бенд „Аеросмит“ објави тешка одлука
Бендот „Аеросмит“ ја откажаа прошталната турнеја, бидејќи гласот на фронтменот Стивен Тајлер е трајно оштетен откако во септември минатата година ги повреди гласните жици.
„Тој помина неколку месеци работејќи неуморно за да си го врати гласот. И покрај тоа што работеше со најдобрите медицински тимови, видовме како се мачи. Јасно е дека целосно закрепнување на неговиот глас не е можно“, се вели во соопштението на групата, пренесува Ројтерс.
Тајлер минатиот септември објави дека ги повредил гласните жици за време на турнејата „Peace Out: The Farewell Tour“.
Тој тогаш изјави дека повредата на гласните жици предизвикала крварење и дека се надева дека бендот повторно ќе настапи.
Покрај Тајлер, членови на „Аеросмит“ се Џо Пери, Бред Витфорд, Том Хамилтон и Џои Крамер.
Фото:Извор:Kurir.rs
