Оваа жена има седум почесни докторати и седум деца и е најголемата љубов на шеикот од Катар: Кога ќе се појави, таа засенува сѐ бидејќи кој може да ѝ парира?
Сопругата на емирот на Катар, важи за една од најдобро облечените жени во светот. Со неа се поврзува интересна модна, но и поширока животна приказна.
Имено Моза бинт Насер долго време не се појавуваше во јавноста, а денес веб-страницата thepeninsulaqatar.com пишува дека издала декрет со кој одговорностите на организацијата „Qatar Social Work“ што таа ја основала ги префрла на Министерството за семејство и труд.
Сопругата на емирот на Катар и една од неговите три сопруги со години е посветена на социјалната работа. Значаен е нејзиниот придонес во „Фондацијата Катар“, со која управува нејзиниот сопруг, која го изгради „Градот на образованието“ во Доха и донесе американски колеџи во Катар. Во Газа Моза иницираше изградба на голем број образовни институции, а нејзината работа доведе до фактот дека оваа жена има седум почесни докторати.
Таа често го придружуваше нејзиниот сопруг на неговите службени патувања. Светската јавност ја привлекуваше со својот беспрекорен стил, но и со својот став, кој секогаш јасно го искажуваше кога држеше говори во водечки политички и општествени институции. Се вели дека таа е најголемата љубов на шеикот Хамад бин Калифа Ал Тани, а нивниот син Тамим, иако не е првородено дете на катарскиот владетел, е прогласен за престолонаследник и ја носи титулата на сегашниот емир. Таа е мајка на седум деца, има пет сина и две ќерки.
Шеиката Моза бинт Насер стана сопруга на катарскиот емир во 1977-ма година, таа тогаш имаше 18 години. Во тоа време била студентка на Универзитетот во Катар, а дипломирала по социологија девет години по бракот.
Моза одлично го применува знаењето во пракса, таа е активна во многу организации, како што се Арапската демократска организација, Организацијата за образование, наука и развој на заедницата и разни програми за помош на децата.
Кога станува збор за нејзиниот стил, „Вог“ ја вклучи во петте најдобро облечени жени во светот, а „Венити фер“ ја прогласи за најдобро облечена дама со сина крв, додека за Џулиен Мекдоналд таа е втората Џеки Кенеди.
Моза е една од ретките дами кои секогаш носат модни парчиња од високата мода во јавноста, „Шанел“, „Џиванши“, „Диор“ се нејзините омилени модни куќи. Нејзиното височество купува парчиња кои чинат меѓу 20.000 и 30.000 долари, а специјално дизајнираната облека за неа може да чини и до 100.000 долари. Некои извори тврдат дека во нејзината резиденција се крие вистинско модно богатство.
Извор: zena.blic.rs
