Ја стеснуваат половината, ги издолжуваат нозете, едноставно совршени за секоја фигура: Модел на фармерки кој ќе биде хит за 2022 година

Добивај вести на Viber

Фармерките оваа сезона доаѓаат со многу посебен детаљ - асиметричен струк кој одлично се вклопува на секоја силуета и облик на тело

Ретко кое парче облека може да ги замени секогаш обожаваните фармерки. Станува збор за панталони кои се неверојатно вешто прилагодени на секој тренд, а новата сезона носи навистина возбудливи модели кои ќе ги обожаваме поради еден многу посебен детаљ – асиметричен струк.

Дали сте слушнале за crossover фармерки? Безвременските фармерки оваа сезона доаѓаат со многу посебен детаљ, асиметричен струк кој одлично се вклопува на секоја силуета и облик на тело, а овие модели веќе се најдоа во понудата на многу популарни модни продавници.

Асиметричниот крој на половината со преклоп со многу добра причина се нарекува најдобар модел на сезоната.

Со едната страна од спуштениот струк, crossover фармерките оптички ја стеснуваат половината подобро од нивните претходници, но и ги издолжуваат нозете за неколку сантиметри. Звучи одлично, нели?

Како да комбинирате и носите crossover фармерки?

Со кроп топ, боди, тесна маица или која било друга облека што го истакнува телото и може да се носи напикана во панталони, за да дојде до израз половината.

Благодарение на асиметричниот крој, crossover фармерките видно го стеснуваат струкот, а овој модел е достапен во различни варијанти, од рамни и широки ногавици до skinny модели, иако водечки тренд се моделите на пошироки ногавици.

Моделите со широки ногавици ќе изгледаат одлично со чизми до глужд и тесно боди, а за тотален шик впечаток додадете и тренди палто. Ќе изгледате урбано и доколку се одлучите за црни crossover фармерки во комбинација со џемпер со копчиња.

Фото: Инстаграм

Фото насловна : Фреепик

Извор:стил курир