Пет корисни трикови: Како да се разбудите без кофеин ?
Ако вашиот аларм е веднаш до вашиот кревет, едноставно ќе го исклучите и повторно ќе заспиете. Но, ако го оставите алармот малку подалеку, ќе мора да станете за да го исклучите. И, кога станувате, најтешкиот дел е завршен
Ако припаѓате на таа група луѓе кои не можат да станат и да се разбудат наутро, еве што може да ви помогне, а тоа не е кофеин:
1. Изложувајте се на природна дневна светлина
Кога ќе се разбудите, обидете се да добиете што е можно повеќе природна дневна светлина. Може да биде едноставно како отворање прозорец и пуштање светлина.
2. Чувајте го алармот подалеку од вас
Ако вашиот аларм е веднаш до вашиот кревет, едноставно ќе го исклучите и повторно ќе заспиете. Но, ако го оставите алармот малку подалеку, ќе мора да станете за да го исклучите. И, кога станувате, најтешкиот дел е завршен.
3. Избегнувајте „скрулање“ на социјалните медиуми
Колку и да е примамливо, земањето телефон и прелистување на социјалните медиуми може да ја наруши работата на мозокот и да го натера телото да прескокне важни фази на будност и да ве доведе директно во фазата на делта. Исто така, може да предизвика стресни реакции ако почнете да одговарате на пораки или да читате нешто негативно.
4. Подгответе облека за тренинг и вежбајте
Вежбањето најдобро ќе ве разбуди, ќе ви даде адреналин, па дури и ќе ви ги зголеми хормоните за среќа. Но, може да биде тешко да станете рано за да вежбате. Затоа, подгответе ја вашата облека за тренинг претходната ноќ и кога ќе станете да го исклучите алармот, облечете ја веднаш.
5. Држете се до редовниот распоред
Ако можете, најдобро е да се обидете да одржите редовна шема за спиење. Откако ќе ја востановите ќе ви биде полесно да станете наутро, пишува Метро.
