Поради Дарко, Сара од Маврициус стана православна: Нема да може да верувате во нивната необична љубовна приказна
Србин од Чачак и неговата сопруга од Маврициус станаа вирален хит на социјалните мрежи, откако јавноста се запозна со нивната необична љубовна приказна. Имено, невестата од Маврициус поради љубовта кон еден млад човек од Србија решила да го прифати православието, како и сите обичаи поврзани со него.
Кога сопругата на Дарко Главоњиќ го напуштила, животот на овој вероучител од Чачак целосно се променил. Како што вели, кога сфатил дека повеќе не може да ги исполнува обврските, решил да се пресели во Дубаи. Таму ја започна својата кариера како личен тренер.
- Во Чачак живеев 5 години, но кога ме остави поранешната сопруга не бев добро, многу тагував, а училиштето и учениците го забележаа тоа. Тогаш решив да ја напуштам Србија и да побегнам од сите проблеми. Сакав да ја сменам средината и решив да одам кај мој пријател во Дубаи. Работеше како личен тренер, па се договоривме да почнеме да работиме заедно. Сара ја запознав преку Интернет, се запознавме по 2 недели допишување бидејќи таа живееше на 30-тина километри од мене. Така започна сè – ја започна својата приказна Дарко.
Најголем сон е да стане свештеник
Познатството преку Интернет доведе до запознавање и влегување во љубовна врска. Набрзо, кога сфатиле дека се еден за друг, решиле тоа да го официјализираат. Сара тогаш решила да премине во православие, од причина што сакала Дарко еден ден да го исполни својот животен сон. Имено, тој има голема желба да стане свештеник, а Сара решила да му помогне да ја реализира таа желба. Се венчаа околу Нова година.
- Сара е крстен католик, а со оглед на тоа што нашите религии се слични, преобраќањето во православие е многу едноставно. Со свето масло се врши само надополнувањето кое трае 5 минути. Сме размислувале за ова и претходно. Поранешната сопруга ми создаде голем проблем, а сега ми се отвори нова можност и еден ден планирам да бидам свештеник. Ќе биде малку потешко бидејќи двапати сум бил во брак, но се надевам дека ќе ме примат - изјави Дарко за порталот „Телеграф.рс“.
За помалку од еден месец, во април, двајцата планираат да ја посетат Србија, каде што ќе направат свадба. Исто така, Сара потоа ќе се сретне со неговото семејство.
- Решивме да се венчаме во мојата родна земја за еден ден кога дај Боже ќе се вратиме кај мајка Србија, Сара да добие документи и српско државјанство, а исто така да се видам со моето семејство и роднините, да ја запознаат Сара, да се дружиме на забавата и свадбата по мојот престој од скоро две години во Дубаи. Сакаме да поминеме 14 дена во родната земја за да го посетиме мојот роден Чачак, Белград и Златибор. Потоа да се вратиме, со полни срца во Емиратите. Сара е воодушевена и возбудена, ова ќе биде незаборавен и убав одмор. Ни требаа многу документи за нејзината виза. Само една хартија што ни овозможува да регистрираме брак во Чачак чини 500 евра, но не се каеме - објаснува тој.
Љубовта им е најважна
Како што рече, верува дека Сара и неговото семејство ќе имаат одличен однос, бидејќи и искрено се сакаат и не се грижи премногу за туѓото мислење.
- Сара е еден голем ангел кој многу ми помогна во животот. Таа веќе ги запозна татко ми и брат ми. На крајот на краиштата, не ми е гајле дали другите ќе ја прифатат. Таа е моја, а јас сум нејзин, не живеам според туѓите мислења - вели тој.
Свадбата ја замислил како традиционална, како што паметат постарите генерации - со коњи, кочии и трубачи.
- Решивме да резервираме коњи и пајтон за свадбата да се возиме низ Чачак. Сè ќе снимаме со дрон и камери. Ќе има и трубачи, целосно ќе се запознае со нашите обичаи - заврши Дарко.
Дарко првично не сакал да се венча во Обединетите Арапски Емирати, но околностите ги доведоа до поинаков исход. Првенствено сакаше да ја официјализира врската во Србија за нивното дете да добие српско државјанство. Се чини дека Дарко ќе ја оствари оваа желба со оглед на тоа што неговата избраничка е бремена, а момчето Самсон е на пат.
Извор: telegraf.rs
