Познат е како „Длабока мозочна стимулација“: Откриен е нов експериментален третман за депресија

Експертите во САД велат дека новиот експериментален третман познат како длабока мозочна стимулација (ДБС) може да им помогне на речиси три милиони Американци со депресија кои не реагираат на други третмани.

Третманот е одобрен за состојби како што се Паркинсонова болест и епилепсија, а многу лекари и пациенти се надеваат дека наскоро ќе стане подостапен за лекување на депресија. Пациентот при третманот прима електрични импулси, а голем број студии покажуваат добри резултати од овој третман.

Електродите се поврзани со жица со уред поставен под кожата во градите на пациентот кој ја контролира количината на електрична стимулација и дава постојани нисконапонски импулси.

Лекарите велат дека стимулацијата помага бидејќи невроните комуницираат користејќи електрични и хемиски сигнали.

Некои последователни истражувања покажаа дека пациентите со депресија доживуваат стабилно, долгорочно олеснување по терапијата со ДБС. Но, некои лекари се скептични, укажувајќи на потенцијални компликации како што се крварење, мозочен удар или инфекција по операцијата.

Американската агенција за храна и лекови (AFD) се согласи да го забрза своето разгледување на барањето на Abbott Laboratories да ги користи своите DBS уреди за лекување на депресија.

Фото:freepik