Пред огледало со Елена Јовческа: Сакам да сум природна како што и изгледам

Елена Јовческа е позната македонска фолк пејачка. Многумина ја знаат како амбасадор на македонската култура и традиција, а и како свирач на изворни музички инструменти како гајдата и зурлата.

За Женски магазин, Елена ги открива ритуалите за убавина. Она што го практикува таа за да ја одржи фигурата е исхраната и вежбањето.

* Каков е Вашиот дневен козметички ритуал?

Да бидам искрена јас сум личност која не користи многу козметика и кога не сум на настап сакам да изгледам најприродно. Токму затоа не преферирам да користам многу козметика. Природно си е природно .

* Како ја одржувате линијата?

* Со какви препарати го негувате лицето?

Јас? (Се смее) Можеби ќе ви звучи смешно, но јас користам бебешка козметика Бекутан а често знам да ставам и кокосово масло.

* Посетувате ли козметички салони?

 Да, посетувам козметички салони, нема кој не ги посетува во денешно време, меѓутоа не толку многу често.

* Кои производи ги употребувате за нега на коса?

За мојата коса и за мојот изглед се грижи мојот стилист Алек Палада, но она што е задолжително кај мене е бадемовото масло за коса .

* Што сакате да прикриете, а што да истакнете со шминка?

За шминката исто така оставам се во раце на Алек и не се бунам кога е во прашање мојата шминка бидејки го имам најдобриот и знам како ќе изгледам после неговите магични раце. А како што кажав јас сум личност која преку ден не се шминка и сакам да сум природна како што ѝ изгледам.

* Кои се Вашите омилени козметички производи?

Немам некој бренд на козметички производи меѓутоа ете можам да издвојам некои производи од „Victoria's Secret“.

* Што носите секогаш во Вашиот несесер?

Во мојот несесер ....хммм... лак за коса, сјај за уста, крем за раце, влажни марамици, маскара, парфем....

* Омилен парфем?

Омилен парфем ми е „Versace Crystal“