Животна училница // Семеен Албум
Прво ти научи да бидеш среќен, па тогаш ќе можеш да ги научиш и твоите деца да бидат среќни
Еден мудрец пешачел по патот, уживајќи во природата и пролетните бои. Одеднаш видел некој маж кој носел товар на својот грб.
- Зошто се осудувате на таква напорна работа? – прашал старецот.
- Се мачам за да моите деца и внуци бидат среќни – одговорил несреќникот.
-Мојот прадедо се осуди себеси на тежок живот за добро на дедо ми, дедо ми за доброто на мојот татко, татко ми за мое добро, а јас ќе се мачам за доброто на моите деца.
- Дали некој во вашето семејство е среќен? – прашал мудрецот. Засега не, но се надевам дека моите деца и внуци ќе бидат среќни, одговорил мажот.
- За жал, неписмениот човек не може да го научиш да чита, одговорил стариот мудрец.
Прво мора да се научиш ти да бидеш среќен, па дури тогаш ќе можеш да ги научиш и твоите деца да бидат среќни. Тоа ќе им биде најдобар подарок од тебе.
