Расте бројот на оздравени: Чулев побара за 1 Мај да нема карантин
Институтот за јавно здравје регистрира 53 оздравени пациенти од коронавирус.
- Скопје 25, Куманово 13, Прилеп 5, Струга 1, Битола 4, Охрид 1, Кочани 4
Во изминатите 24 часа направени се 289 тестирања, а потврдени се 13 нови случаи на КОВИД-19 и тоа во: Скопје-4, Куманово-5, Прилеп-2 и Тетово-2. Со ова, вкупната бројка на дијагностицирани изнесува 1399 пациенти.
Починаа 4 лица. На Клиниката за инфективни болести и фебрилни состојби починаа две лица, 58 годишна пациентка од Желино (Тетово) примена на клиниката на 21 април со тешка форма на болеста и 81 годишна пациентка од Куманово, лекувана на клиниката од 15 април. И двете пациентки страдале од висок крвен пристисок.
Во ГОБ „8 септември“ почина 1 лицe од Куманово на возраст од 47 години, примен на болничко лекување на 3 април во тешка состојба и долго време приклучен на респираторна машина. Почина и пациент од Битола кој се лекуваше во болницата во Битола. Пациентот бил на возраст од 66 години и во тешка општа состојба, со срцева слабост и цироза.
Во таа насока, Наќе Чулев, министерот за внатрешни работи, на денешната седница на Координативниот штаб во владата побара да нема карантин за празничниот 1 Мај, односно истиот ден полицискиот час да важи од 19.00 часот. Според техничкиот министер, за претстојниот викенд треба да важи истата мерка на ограничување на движењето како и изминатиот, односно да важи од сабота од 15.00 часот до понеделник до 05.00 часот.
