Реализиран третиот дел од проектот ,,Поддржуваме безбедна иднина”
Денес, 14.11.2018 год, компанијата Пнеуматик повторно во соработка со Одделението за превенција при СВР-Скопје и Општина Аеродром го реализираше третиот дел од проектот ,,Поддржуваме безбедна иднина” – кампања за заштита и безбедност на најмладите учесници во сообраќајот.
Повторно не движи мотивот да ја подигнеме свеста пред се кај возачите, но и кај децата кои се секојдневни учесници во сообраќајот.
Денес во основното училиште ,,Лазо Ангеловски” беше организирана соодветна обука и едукативен дел од страна на полициските службеници, кои подготвија програма адекватна за нивната возраст.
Преку интеракција со најмладите ученици се постигна посакуваниот ефект, едукација и свесност за сообраќајните правила и прописи.
Целта на оваа општествено одговорна активност предводена и од компанијата Пнеуматик, која донираше заштитни елеци на учениците ја заокружи кампањата ,,Поддржуваме безбедна иднина” за 2018-та година.
Според потребите на училиштето , заштитните елеци би се користеле од страна на учениците во текот на целата година при надворешни излети и места каде е неопходно да биде одбележано нивното присуство во сообраќајот .
Активностите ќе продолжат да се одвиваат во текот на целата учебна година и ќе бидат опфатени и други општини на територијата на Град Скопје,бидејќи појдовниот мотив е пренесување на пораката - масовната свесност за сите учесници во сообраќајот и зголемување на безбедноста на најмладите.
