(РЕЦЕПТ) Неодолив интегрален колач од јаболко и овесна каша: Готов за 15 минути
Вегански колач што може да го јадете без грижа на совест - од јаболко и овесна каша!
Не мора да се откажувате од слатките ако сакате да се ослободите од маснотиите или да се храните здраво. Сè што треба да направите е да ги замените нездравите состојки на вашата омилена торта со здрави варијанти и ќе ги добиете највкусните имагинативни слатки работи.
Пробајте го уникатниот колач со овесна каша и кралицата на есента - јаболкото!
Вкус кој ветува задоволство!
Рецепт за интегрален колач направен од овесна каша и јаболка:
Состојки на тесто:
2 - 2,5 чаши овесна каша
2 чаши интегрално брашно
1 чаша кафеав шеќер
6 лажици кокосово масло
2 лажици мелен лен
2 лажички цимет
Малку сол
Вода по потреба
Состојки за фил:
2 јаболка, излупени и исечени на коцки
2 круши, излупени и исечени на коцки
2 грста боровинки
1 лажица пченкарен скроб
2 лажици јаворов сируп (може да биде мед како замена)
Подготовка:
Измешајте ги сите состојки за тестото и добро замесете за да добиете комбинирана смеса. Подмачкајте калап за мафини со растително масло и брашно, а потоа истурете го тестото. Направете дупка на средина од секоја „мафина“ пред да печете, така што ќе изгледа како шолја. Печете 15-20 минути на 180 степени.
Измешајте ги сите состојки за фил во еден сад, а потоа пополнете ги шуплините во секој колач.
Ќе добиете здрав, сладок и вкусен десерт! Може да го послужите додека е сè уште топол, а убав е дури и кога ќе се олади.