Редок небесен спектакл пристигнува вечерва: Следниот се очекува за 14 години

Редок небесен спектакл вечерва ќе го осветли ноќното небо, носејќи ни незаборавна глетка која нема да се повтори уште 14 години.

Астрономите истакнаа дека ваков феномен последен пат се случил во 2018 година, а следна можност да го набљудуваме ќе имаме дури во 2037 година.

Имено, ноќта на 1 август ќе се појави првата супермесечина во август, а само 30 дена подоцна втората полна месечина, позната како „сина месечина“, пренесува N1.

Она што го прави овој спектакл уште поинтересен е тоа што во истата ноќ на небото ќе бидат видливи планетите Меркур и Марс, што ретко се случува. Оваа комбинација на супермесечина и видливоста на планетите ќе биде вистинско уживање за љубителите на астрономијата и небесните феномени.

Ако времето соработува и небото е без облаци, овој незаборавен феномен ќе им овозможи на набљудувачите со голо око да ги видат деталите на површината на Месечината, како темните рамнини формирани од древните вулкански текови на лава.

За целосно задоволство при гледањето, ќе биде доволно да се оддалечите од градските светла и да погледнете во небото. Оние кои ќе се најдат во природа, далеку од јавните светла, ќе се изненадат колку добро ќе можат да ја видат природата осветлена од силната месечева светлина.

Затоа, подгответе се за незаборавен ноќен спектакл кога небесните појави ќе не‘ воодушеват со нивната убавина и реткост.

Фото: фреепик

Пазете се! Со овие хороскопски знаци нема шега, раскинувањето со нив ја отвара вратата на пеколот!