Samsung ги најави новите модели на телефони:Galaxy A71 и Galaxy А51

Компанијата Samsung Electronics Co., Ltd.гипретстави двата најнови членови на Galaxy A серијата – A71 и A51. Креирани да донесат неверојатно корисничко искуство, овие иновативни уреди се опремени со напредни функции и карактеристики: подолготрајна батерија, идеална за корисниците со урбан стил на живот; попаметна камера која овозможува да го фотографирате светот онаков каков што го гледате и Infinity-дисплеј што овозможува непрекинато визуелно искуство.

„Навистина сме возбудени што успешното портфолио на серијата А е збогатено со нови модели. Од лансирањето минатата година, оваа серија важи за една од најпосакуваните, а новите модели ќе продолжат да ги нудат иновациите кои корисниците ги бараат и сакаат“, изјави DJ Koh, претседател и извршен директор на IT и мобилната комуникација во компанијата Samsung Electronics. „Свесни сме за барањето на нашите корисници за уреди кои изгледаат добро, траат подолго и до најситниот детаљ го бележат секое нивно искуство, а токму такви се новите членови на семејството Galaxy A.“

Подобра камера за подобро искуство

Со помош на четири врвни камери – Главна, Ултра-широка, Macro и Depth, Galaxy A71 и Galaxy A51 се креирани за да ги бележат најзначајните моменти до најситните детали и со неверојатно живописни бои.

Главната камера од дури 64 мегапиксели на Galaxy A71, односно 48 мегапиксели на моделот Galaxy A51, ќе направи зачудувачки остри и живописни фотографии, без обзир дали надвор е ден или ноќ. Покрај тоа, леќата на ултра-широката камера има агол од 123° степени, давајќи периферен видик идентичен на човечкото око. Доколку ситуацијата истото го бара, паметната switch функција на камерата автоматски ќе се “префрли” на Wide Shot режим.Macro камерата го фокусира секој објект кристално јасно, а сите детали доаѓаат посебно во израз, со користење на Live Focus ефектите на Depth камерата.

Видео содржини со висок квалитет

Благодарение на опцијата за супер-стабилност (Super Steady) снимањето на динамични видео записи сега е и повеќе од можно. Оваа функција успешно го отстранува тресењето на камерата, без разлика дали е подвижен објектот кој се снима или личноста која го држи телефонот. Камерата ќе остане мирна дури и кога се во прашање активности со поголем предизвик како трчање, планинарење или бркање на милениците низ дворот.

Непрекинат визуелен приказ

И Galaxy A71 и Galaxy A51 нудат супер AMOLEDedge-to-edge Infinity-O дисплеи, со димензии на екранот од 6.7 инчи или 6.5 инчи, кои се простираат од едниот до другиот раб на телефонот. Динамичното искуство сега е загарантирано – корисниците можат да заборават на светот околу себе и да ја гледаат својата омилена емисија или спортски натпревар на еден од најголемите мобилни екрани на Samsung досега.

Подолга поврзаност без грижи

Galaxy A71 и Galaxy A51 доѓаат со подобрена батерија со капацитет од 4.500 mAh, односно 4.000 mAh, како и со опција на брзо полнење од 25W и 15W, овозможувајќи долго и безгрижно користење на телефонот во текот на целиот ден.

Овие модели нудат и пристап до екосистемот на Samsung на паметни апликации и услуги, вклучувајќи ги Bixby (Vision, Lens Mode, Routines), Samsung Pay и Samsung Health. Освен тоа, уредите се исто така заштитени со безбедносниот систем, Samsung Knox.


За повеќе информации за Galaxy A71 и Galaxy A51, посетете ја http://www.samsungmobilepress.com и на www.samsung.com.  

Galaxy A71 и Galaxy A51 Спецификации [1]

За Samsung Electronics Co., Ltd.

Со своите идеи и технологии Samsung го инспирира светот и ја обликува иднината. Компанијата поставува стандарди во областа на телевизорите, паметните телефони, преносливите уреди, таблетите, дигиталните уреди, мрежнитеи LSI системи, меморијата и LED технологијата. За дополнителни информации, посетете го Samsung Newsroom на http://news.samsung.com.


[1]Сите функционалности, карактеристики, спецификации и други информации за производи, дадени во овој документ, вклучително, но не ограничувајќи се на, придобивките, дизајнот, цените, компонентите, перформансите, достапноста и можностите на производот подлежат на промена без најава.

[2]Екранот е мерен дијагонално како целосен правоаголник без да се земат во предвид заоблените агли.

[3]Достапноста може да варира според локацијата и пазарот.

[4]Типичната вредност е тестирана под лабораториски околности од трети лица. Оценетиот (минимум) капацитет е помал.

5Достапноста може да варира според локацијата и пазарот.